సీతానగరం శిరోముండనం కేసును రాష్ట్రపతి కార్యాలయం తీవ్రంగా పరిగణించింది. ఏపీ సాధారణ పరిపాలన విభాగానికి సంబంధిత దస్త్రం బదిలీ చేసింది. అసిస్టెంట్‌ సెక్రటరీ జనార్దన్‌బాబును కలవాలని బాధితుడు ప్రసాద్‌కు ఆదేశం పంపింది. ఈ కేసు విషయంలో జనార్దన్‌బాబుకు సహకరించాలని ప్రసాద్‌కు సూచించింది.
త్వరలో పూర్తి ఆధారాలతో బాధితుడు ప్రసాద్ జనార్దన్‌బాబును కలవనున్నారు. వీడియో క్లిప్పులు, కాల్ రికార్డులతో జనార్దన్‌బాబును కలవనున్నారు. ఇటీవలే బాధితుడు ప్రసాద్ రాష్ట్రపతికి లేఖ రాశారు. బాధ్యులపై సత్వర చర్యలు తీసుకోవాలని ఏపీ ప్రభుత్వానికి రాష్ట్రపతి కార్యాలయం ఆదేశాలు జారీ చేసింది. ఇప్పటికే బాధ్యులైన అధికారులపై చర్యలు తీసుకున్నట్టు ఏపీ ప్రభుత్వం సమాధానం ఇచ్చింది. రాష్ట్రపతి కార్యాలయానికి ఈమేరకు ఏపీ ప్రభుత్వం సమాధానం పంపింది.