ఏపీ వైఎస్ఆర్ కడప జిల్లా వేంపల్లికి చెందిన వేంపల్లి నాగమ్మ అవసరాల కోసం సుబ్బరాయుడు అనే వ్యక్తి దగ్గర లక్ష 60వేల రూపాయలు రెండు సంవత్సరాల క్రితం అప్పు తీసుకున్నారు. నగదు సర్దుబాటు కావడంతో అప్పు తీర్చేందుకు అతని దగ్గరకు వెళ్లారు. తిరిగి అప్పు చెల్లిస్తామంటే నాకు డబ్బులు అవసరం లేదన్నాడు.. అదేంటి డబ్బులు తీసుకోండి అంటే నెమ్మదిగా తన దుర్బుద్దిని బయటపెట్టాడు.
తన కోరిక తీర్చాలని ఆమెను వేధించాడు. గతంలో రెండుసార్లు వేంపల్లి నాగమ్మ కిడ్నాప్ చేశాడు. అంతేకాకుండా తన కుమారుడిపై కత్తితో దాడి చేశాడని ఆమె కన్నీటిపర్యంతమైంది. ఇలా దాడులకు దిగుతూ తమ కుటుంబ సభ్యులను భయబ్రాంతులకు గురి చేస్తున్నాడని వేంపల్లి నాగమ్మ ఆరోపించింది. ఈ దాడిలో తలకు తీవ్రగాయం కావడంతో తన కుమారుడికి మాట పడిపోయిందని వేంపల్లి నాగమ్మ తెలిపింది.