2020-21 విద్యా సంవత్సరం బీటెక్ - అగ్రికల్చర్‌ ఇంజినీరింగ్, బీటెక్ - ఫుడ్ టెక్నాలజీ కోర్సులకు సంబంధించి రైతు కోటా సీట్ల భర్తీ కోసం ప్రొఫెసర్ జయశంకర్ వ్యవసాయ విశ్వవిద్యాలయం నోటిఫికేషన్ జారీ చేసింది. టీఎస్ ఎంసెట్ - 2020 ద్వారా రిజర్వేషన్ల ప్రక్రియ ఆధారంగా బీటెక్ - అగ్రికల్చర్‌ ఇంజినీరింగ్ కోర్సులో 18 సీట్లు, బీటెక్- ఫుడ్ టెక్నాలజీ కోర్సులో 18 సీట్లను తాము భర్తీ చేయనున్నట్లు ప్రొఫెసర్ జయశంకర్ వ్యవసాయ వర్సిటీ రిజిస్ట్రార్ డాక్టర్ ఎస్.సుధీర్‌కుమార్ వెల్లడించారు.
రైతు కోటా సీట్ల భర్తీ కోసం పీజేటీఎస్ఏయూ నోటిఫికేషన్ - ప్రొఫెసర్ జయశంకర్ వ్యవసాయ విశ్వవిద్యాలయం నోటిఫికేషన్ జారీ
2020-21 విద్యా సంవత్సరం బీటెక్ - అగ్రికల్చర్‌ ఇంజినీరింగ్, బీటెక్ - ఫుడ్ టెక్నాలజీ కోర్సులకు సంబంధించి రైతు కోటా సీట్ల భర్తీ కోసం పీజేటీఎస్ఏయూ నోటిఫికేషన్ జారీ చేసింది. పూర్తి వివరాల కోసం www.pjtsau.edu.in చూడాలని రిజిస్ట్రార్ డాక్టర్ ఎస్. సుధీర్‌కుమార్ సూచించారు.
pjtsau released notification for agriculture engineering
రాష్ట్రంలోని పల్లెల్లో కీలకమైన వ్యవసాయం అనుబంధ రంగాల పట్ల ఆసక్తి, అభిరుచి దృష్టిలో పెట్టుకుని ఆ వర్గాలకు నాణ్యమైన, ఉత్తమ సేవలు అందించేందుకు వీలుగా రైతు కోటాలో సీటు పొందే అభ్యర్థి విధిగా కనీసం 4 ఏళ్ల పాటు గ్రామీణ ప్రాంతాల్లో (ఫామ్-1) విద్యాభ్యాసం చేసి ఉండాలని తెలిపారు. ఇక తమ సొంత ఊరిలో కూడా కనీసం ఒక ఎకరం విస్తీర్ణం భూమి (ఫామ్-2) తల్లి లేదా తండ్రి లేదా అభ్యర్థి పేరిట కలిగి ఉండాలని చెప్పారు. పూర్తి వివరాల కోసం www.pjtsau.edu.in చూడాలని రిజిస్ట్రార్ సూచించారు.