పోలవరం నిర్వాసితులకు న్యాయం చేయాలని ఏపీ హైకోర్టులో పిల్

ఏపీలోని పోలవరం ప్రాజెక్టు ముంపు నిర్వాసితులకు సత్వరమే న్యాయం చేయాలని కోరుతూ హైకోర్టులో పిల్ దాఖలు అయింది. ఈ వ్యాజ్యాన్ని గుంటూరుకు చెందిన సామాజిక కార్యకర్త తోట సురేష్ వేశారు. వ్యాజ్యం సోమవారం విచారణకు వచ్చే అవకాశం ఉంది.

ఆంధ్రప్రదేశ్​లోని పోలవరం ప్రాజెక్టు ముంపు నిర్వాసితులకు ఆర్​ఆండ్​ఆర్, భూసేకరణ చట్టం-2013 ప్రకారం బాధితులందరికి సత్వరమే న్యాయం చేయాలని కోరుతూ హైకోర్టులో పిల్ దాఖలు అయింది. ఈ వ్యాజ్యాన్ని గుంటూరుకు చెందిన సామాజిక కార్యకర్త తోట సురేష్ దాఖలు చేశారు.

ఏపీ పునర్విభజన చట్టం ప్రకారం పోలవరం ప్రాజెక్టు నిర్మాణ బాధ్యత కేంద్రానిదేనని పిటిషన్​లో పేర్కొన్నారు. 2017-18 సవరించిన అంచనాల ప్రకారం అవసరమైన నిధులు సమకూర్చడానికి కేంద్ర జల సంఘం ఆమోదం తెలిపినా... కేంద్ర ఆర్థిక శాఖ నుంచి ఎటువంటి స్పందన లేదన్నారు.

కేంద్ర ఆర్థిక శాఖ అభిప్రాయం తెలపాలని పిటిషన్​లో కోరారు. ఈ వ్యాజ్యం సోమవారం విచారణకు వచ్చే అవకాశం ఉంది.

ఇదీ చదవండి:సబ్సిడీ రుణాల దరఖాస్తు తేదీ పెంపు: మంత్రి కొప్పుల