విశ్వవిద్యాలయాలకు వీసీలను నియమించండి: పొన్నం

రాష్ట్రంలోని విద్యావ్యవస్థపై గవర్నర్​ జోక్యం చేసుకోవడం శుభపరిణామమని పీసీసీ కార్యనిర్వాహక అధ్యక్షుడు పొన్నం ప్రభాకర్​ అన్నారు. తెరాస అధికారంలోకి వచ్చిన నుంచి వీసీలను నియమించలేదని ఆరోపించారు.

రాష్ట్రంలో ఉన్నత విద్యావ్యవస్థ నిర్వీర్యం కాకుండా ప్రభుత్వం తక్షణమే చర్యలు తీసుకోవాలని పీసీసీ కార్యనిర్వాహక అధ్యక్షుడు పొన్నం ప్రభాకర్ కోరారు. ఇప్పటికైనా రాష్ట్రంలోని విశ్వవిద్యాలయాలకు ఉపకులపతులను నియమించాలని డిమాండ్ చేశారు.

తెరాస అధికారంలోకి వచ్చిన నుంచి ఇప్పటి వరకు రాష్ట్రంలోని ఏ విశ్వవిద్యాలయానికి ఉపకులపతిని నియమించలేదని ఆరోపించారు. వీసీల నియామకంపై గవర్నర్ తమిళిసై జోక్యం చేసుకోవడం శుభపరిణామన్నారు. వీలైనంత తొందరగా వైస్​ ఛాన్స్​లర్​లను నియమించాలని గవర్నర్​ సూచించడం.. రాష్ట్ర ప్రభుత్వానికి చెంప పెట్టులాంటిదని వ్యాఖ్యానించారు. గవర్నర్ జోక్యాన్ని సానుకూలంగా తీసుకోవాలని.. సర్కార్​కు సూచించారు.

ఇవీచూడండి:'వర్సిటీలకు పూర్తిస్థాయి వీసీలను నియమించండి'