ధాన్యం బస్తాల్లో దర్శనమిచ్చిన అమ్మవారి పంచలోహ విగ్రహం

Goddess Statue found in Grain Bags: ఓ రైతు ఇంట్లో నిల్వ ఉంచిన ధాన్యం బస్తాల్లో అమ్మవారి పంచలోహ విగ్రహం దర్శనమిచ్చింది. గుర్తించిన అతడు గ్రామస్థులకు విషయం తెలిపాడు. ఇంట్లోనే ప్రతిష్టించి పూజలు చేస్తున్న అమ్మవారి విగ్రహాన్ని చూసేందుకు గ్రామస్థులు భారీగా తరలి వస్తున్నారు.ఈ ఘటన ఏపీ చిత్తూరు జిల్లా దామలచెరువులో చోటు చేసుకుంది.

Goddess Statue found in Grain Bags: ఏపీ చిత్తూరు జిల్లా దామలచెరువు పంచాయతీ బండకాడపల్లిలోని రైతు మురళి ఇంట్లో నిల్వ ఉంచిన ధాన్యంలో అమ్మ వారి పంచలోహ విగ్రహం లభ్యమైంది. ఈ విగ్రహం సుమారు అడుగు ఎత్తు, రెండు కిలోల బరువు ఉంది. పద్మాసనంపై ఏడు శిరస్సుల నాగేంద్రుని నీడలో నాలుగు చేతులతో బంగారు వర్ణంలో మెరిసిపోతున్న అమ్మవారి విగ్రహాన్ని ఇంటి యజమాని గురప్ప, ఆయన కుమారుడు మురళి గుర్తించారు. వెంటనే విషయాన్ని గ్రామస్థులకు తెలిపారు.

ఇంట్లోనే అమ్మవారి విగ్రహాన్ని ప్రతిష్టించి ప్రత్యేక పూజలు నిర్వహిస్తున్నారు. అమ్మవారి విగ్రహాన్ని చూసేందుకు జనం భారీగా తరలి వస్తున్నారు. గ్రామంలో గుడి నిర్మించి అమ్మవారిని ప్రతిష్టించాలని గ్రామస్థులు కోరుతున్నారు.

ఇదీ చదవండి: