సైన్స్ పరిశోధనల కేంద్రంలో ఓపెన్ డే

సీసీఎంబీ.... సైన్స్ పరిశోధనల కేంద్రంగా ప్రజలందరికీ సుపరిచితమే అయినా... దాన్ని సందర్శించే అవకాశం రావటం మాత్రం అత్యంత అరుదనే చెప్పాలి. కౌన్సిల్ ఆఫ్ సైంటిఫిక్ అండ్ ఇండస్ట్రీయల్ రీసెర్చ్(సీఎస్​ఐఆర్​) వ్యవస్థాపక దినోత్సవాన్ని పురస్కరించుకుని ఇవాళ ప్రజల సందర్శనకు అనుమతిస్తూ సీసీఎంబీ ఓపెన్ డే కార్యక్రమాన్ని నిర్వహించింది.

సెప్టెంబర్ 26న సీఎస్​ఐఆర్​ వ్యవస్థాపక దినోత్సవాన్ని పురస్కరించుకుని ఏటా సీసీఎంబీలో ఓపెన్ డే నిర్వహించటం ఆనవాయితీగా వస్తోంది. ఈ ప్రదర్శనలో పరిశోధనల గురించిన అంశాలను సీసీఎంబీ పరిశోధనా విద్యార్థులు సందర్శనార్థం ఉంచారు. వివిధ రకాల చిత్రాలు, నమూనాలు, కంప్యూటర్ త్రీడీ టెక్నాలజీతో వివరించారు. సుమారు 15,000 మంది విద్యార్థులు ఈ ప్రదర్శనను తిలకించి..... శాస్త్ర సాంకేతిక రంగంలో సీసీఎంబీ సాధిస్తున్న విజయాలతోపాటు.. వివిధ రకాల పరిశోధనలు వాటి ఫలితాలను చిట్టి బుర్రలోకి ఎక్కించుకున్నారు.

• ఇదీ చూడండి : పోలీసు నియామకాల్లో అవకతవకలు... సచివాలయానికి బాధితులు!