కరోనా సోకుతుందనే భయంతో వృద్దుడు ఆత్మహత్య

హైదరాబాద్​ లాలాపేట్​లో వృద్దుడు బహదూర్​ చెట్టుకు ఉరివేసుకొని ఆత్మహత్య చేసుకున్నాడు. ఇటీవలే బహదూర్​ రూంమేట్​.. కరోనాతో మృతిచెందినట్లు పోలీసులు తెలిపారు. కరోనా సోకుతుందనే భయం.. ఒంటరితనాన్ని తట్టుకోలేక ఆత్మహత్య చేసుకున్నాడని పోలీసులు తెలిపారు.

హైదరాబాద్​ లాలాపేట్​లో చెట్టుకు ఉరివేసుకొని ఓ వృద్ధుడు ఆత్మహత్య చేసుకున్నాడు. గమనించిన స్థానికులు పోలీసులకు సమాచారం ఇచ్చారు.

లాలాపేట్​లో ఓ బార్​లో వాచ్​మెన్​గా పనిచేసే లాల్​ బహదూర్​గా పోలీసులు గుర్తించారు. మృతుడు నేపాల్​కు చెందినవాడని తెలిపారు. మృతదేహాన్ని శవపరీక్ష నిమిత్తం గాంధీ ఆస్పత్రికి తరలించారు.

లాల్​ బహదూర్​ రూంమేట్​ షేర్​ బహదూర్​ ఈనెల 10న కరోనాతో మృతిచెందినట్లు పోలీసులు తెలిపారు. అనంతరం లాల్​ బహదూర్​ను గాంధీ ఆస్పత్రికి తీసుకువెళ్లి పరీక్షలు నిర్వహించారు. కొన్ని రోజులు స్వీయ నిర్బంధంలో ఉండాలని వైద్యులు సూచించారు. ఆందోళనకు గురైన బాధితుడు.. కరోనా సోకుతుందనే భయం.. ఒంటరితనాన్ని తట్టుకోలేక ఆత్మహత్య చేసుకున్నాడని పోలీసులు తెలిపారు.

ఇవీచూడండి:అదృశ్యమైన కార్మికుడు.. విగతజీవిగా