మిస్ టీన్ తెలుగు యూనివర్స్​ కిరీటం తెలుగమ్మాయి సొంతం

మిస్ టీన్ తెలుగు యూనివర్స్​ కిరీటం తెలుగమ్మాయి నిత్యా కొడాలిని వరించింది. అమెరికాలోని హ్యూస్టన్​లో జన్మించిన 15 ఏళ్ల నిత్యా... దాదాపు 800 మంది విద్యార్థుల్లో మొదటిస్థానం పొంది ఘనత సాధించింది.

ప్రతిష్ఠాత్మక మిస్ టీన్ తెలుగు యూనివర్స్ కిరీటం తెలుగమ్మాయి నిత్యా కొడాలి దక్కించుకుంది. 40కి పైగా దేశాలకు చెందిన విద్యార్థులు పాల్గొన్న ఈ అంతర్జాతీయ పోటీల్లో... నిత్యా కొడాలి తొలిస్థానం దక్కించుకుంది. అమెరికాలోని హ్యూస్టన్​లో జన్మించిన 15ఏళ్ల నిత్యా... దాదాపు 800 మంది విద్యార్థుల్లో మొదటిస్థానం పొంది ఘనత సాధించారు. ప్రపంచ తెలుగు సాంస్కృతిక సంస్థతోపాటు వందకిపైగా తెలుగు సంస్థలు ఈ పోటీలు నిర్వహిస్తున్నాయి.

తెలుగుభాషా పరిజ్ఞానం, సామాజిక సేవా దృక్పథం, విద్యా, నృత్యం, ఇతర సాంస్కృతిక కళల్లో విశేష ప్రతిభ కనబరిచి నిత్యా అందరి దృష్టిని ఆకర్షించారు. మిస్ ఎర్త్ ఇండియా తేజస్విని మనోజ్ఞ నుంచి మిస్ టీన్ తెలుగు యూనివర్స్ కిరీటాన్ని నిత్యా కొడాలి అందుకున్నారు. ఈ ఘనత సాధించటం పట్ల నిత్యా హర్షం వ్యక్తం చేశారు.

ఇదీ చదవండి:తెలుగు రాష్ట్రాలకు పోలీస్​ అధికారుల కేటాయింపు