జూమ్ యాప్​కు ప్రత్యామ్నాయంగా లిబిరో యాప్​

కేంద్ర శాస్త్ర, సాంకేతిక శాఖ నిర్వహించిన ఛాలెంజ్​లో ఏపీలోని కాకినాడకు చెందిన వంశీ తన సత్తా చాటాడు. జూమ్ యాప్​కు ప్రత్యామ్నాయంగా లిబిరో యాప్​ను రూపొందించి ఔరా అనిపించాడు. ఈ కాంటెస్ట్​లో లిబిరో యాప్ 5వ స్ఠానాన్ని దక్కించుకుని రూ.15 లక్షలు బహుమతి పొందింది.

స్వదేశీ యాప్​ల ప్రోత్సాహంలో భాగంగా ఆంధ్రప్రదేశ్​లోని కాకినాడకు చెందిన వ్యక్తి రూపొందించిన యాప్​కు రూ.15 లక్షల నగదు బహుమతి లభించింది. ఆదిత్య ఇంజినీరింగ్ కళాశాల పూర్వ విద్యార్ధి వంశీ జూమ్ యాప్​కు ప్రత్యామ్నాయంగా రూపొందించిన లిబిరో యాప్​కు ఈ బహుమతి వచ్చింది. సోల్ఫేజ్ ఐటీ సొల్యూషన్ కంపెనీ సీటీవోతో పాటు మరో రెండు కంపెనీలకు కన్సెల్టెంట్ గా వంశీ వ్యవహరిస్తున్నారు.

కేంద్ర శాస్త్ర, సాంకేతిక శాఖ నిర్వహించిన ఛాలెంజ్​కు గత ఏప్రిల్​లో 2వేల మంది దరఖాస్తు చేసుకోగా.. వంశీ రూపొందించిన లిబిరో యాప్​కు 5వ స్థానం లభించింది. జూమ్ యాప్​తో పోలిస్తే లిబిరో యాప్​ మెరుగైనదని వంశీ అంటున్నాడు.

ఇదీ చదవండి:75% ఇంటర్‌ మార్కుల నిబంధన ఎత్తివేత!