Telangana Corona cases: రాష్ట్రంలో కరోనా ఉద్ధృతి.. తాజాగా 3,877 కేసులు

19:55 January 28

Telangana Corona cases: రాష్ట్రంలో కరోనా ఉద్ధృతి.. తాజాగా 3,877 కేసులు

Telangana Corona Cases: రాష్ట్రంలో కరోనా ఉద్ధృతి కొనసాగుతోంది. వేల సంఖ్యలో కేసులు నమోదవుతునే ఉన్నాయి. రాష్ట్ర వ్యాప్తంగా గడచిన 24 గంటల్లో 97,579 మందికి కొవిడ్​ నిర్ధరణ పరీక్షలు నిర్వహించగా.. 3,877 మందికి మహమ్మారి సోకినట్టు నిర్ధరణైంది. ఒక్క జీహెచ్​ఎంసీ పరిధిలోనే 1,189 కేసులు నమోదైనట్లు వైద్యారోగ్య శాఖ వెల్లడించింది. మహమ్మారి కారణంగా ఇద్దరు మృతి చెందారు. దీంతో మొత్తం కొవిడ్​ మరణాల సంఖ్య 4,083కి చేరింది. రాష్ట్రంలో 94.20 శాతం రికవరీ రేటు నమోదైనట్టు వైద్యారోగ్య శాఖ పేర్కొంది.

వైరస్​ నుంచి మరో 2,981 మంది బాధితులు కోలుకున్నారు. ప్రస్తుతం రాష్ట్రంలో 40,414 క్రియాశీల కేసులున్నాయి. కరోనా మహమ్మారి పట్ల ప్రజలు అలసత్వం వహించొద్దని వైద్యారోగ్య శాఖ అధికారులు స్పష్టం చేస్తున్నారు. ప్రతి ఒక్కరూ విధిగా కొవిడ్ నిబంధనలను పాటించాలని సూచిస్తున్నారు. మాస్కు ధరించడం, భౌతికదూరం పాటించడం, శానిటైజేషన్ తప్పనిసరిగా చేసుకోవాలని చెబుతున్నారు.

• దేశంలో కేసులు తగ్గినా.. పెరిగిన మరణాలు..

Corona cases in India: భారత్​లో కరోనా ఉద్ధృతి కొనసాగుతూనే ఉంది. 24 గంటల వ్యవధిలో.. 2,51,209 కేసులు నమోదయ్యాయి. అయితే క్రితం రోజుతో పోలిస్తే ఈ సంఖ్య కాస్త తక్కువే. వైరస్​తో మరో 627 మంది మరణించారు. 3,47,443 మంది కోలుకున్నారు. దేశంలో రోజువారీ పాజిటివిటీ రేటు 15.88 శాతంగా ఉన్నట్లు కేంద్ర ఆరోగ్య శాఖ తెలిపింది.

• మొత్తం కేసులు:4,06,22,709‬
• మొత్తం మరణాలు:4,92,327‬
• యాక్టివ్ కేసులు:21,05,611
• మొత్తం కోలుకున్నవారు:3,80,24,771

ఇదీ చూడండి: