హైదరాబాద్​లో సైబర్ నేరాలకు చెక్ పెట్టే.. జాతీయ స్థాయి సెంటర్

సాంకేతికత అభివృద్ధిని అడ్డు పెట్టుకొని.. నేరగాళ్లు చేసే సైబర్ మోసాలు పెరిగిపోతున్నాయి. ఇలాంటి సైబర్ నేరాలకు చెక్ పెట్టేందుకు హైదరాబాద్​లో మరో ఇన్నోవేషన్ సెంటర్ ఏర్పాటు చేశారు.

సైబర్ నేరగాళ్లు విసురుతున్న సవాళ్లు, రోజురోజుకు పెరిగిపోతున్న సైబర్ నేరాలకు చెక్ పెట్టేందుకు కేంద్ర ప్రభుత్వం హైదరాబాద్​లోని రామంతాపూర్​లో ఏర్పాటుచేసిన నేషనల్ సైబర్ రీసెర్చ్ అండ్ ఇన్నోవేషన్ సెంటర్​ను కేంద్ర హోంశాఖ సహాయ మంత్రి కిషన్ రెడ్డి ప్రారంభించారు.

సైబర్ నేరాలను తగ్గించేందుకు, చిక్కుముడులను విప్పేందుకు నేర పరిశోధన మరింత లోతుగా చేసేందుకు ఈ కేంద్రం చాలా ఉపయోగకరంగా ఉంటుంది. ఎన్నో గ్లోబల్ కంపెనీలు, కేంద్ర ప్రభుత్వ సంస్థలు ఉన్న హైదరాబాద్​లోనే నేషనల్ సైబర్ రీసెర్సి అండ్ ఇన్నోవేషన్ సెంటర్ ఏర్పాటు చేయడం వ్యూహాత్మకమే అన్నారు కిషన్ రెడ్డి. ఈ కేంద్రం సీసీఎంబీ, ఐఐటీ, డీఆర్​డీఓ వంటి కేంద్ర ప్రభుత్వ సంస్థలతో కలిసి పని చేయనుంది.