నాగచైతన్య, సమంత తమ వివాహ బంధానికి ముగింపు (Chaysam Divorce) పలకడం పూర్తిగా వాళ్ల వ్యక్తిగత నిర్ణయమని అక్కినేని నాగార్జున స్పష్టం చేశారు. చైతూ-సామ్ విడాకులపై స్పందించిన నాగార్జున వాళ్లు విడిపోవడం దురదృష్టకరమని పేర్కొన్నారు. విడాకుల విషయంపై స్పందించడానికి తన హృదయం ఎంతో భారంగా ఉందని ట్వీట్ చేశారు.
"ఎంతో బరువైన హృదయంతో ఈ విషయాన్ని చెప్పాల్సి వస్తోంది. సామ్-చై విడిపోవటం నిజంగా దురదృష్టకరం. భార్యాభర్తల మధ్య ఏం జరిగినా అది వాళ్ల వ్యక్తిగతం. సమంత, నాగచైతన్య ఇద్దరూ నాకెంతో దగ్గరి వారు. సమంతతో నా కుటుంబం గడిపిన ప్రతి క్షణం ఎంతో మధురమైంది. ఆమె మా కుటుంబానికి చాలా దగ్గరైంది. దేవుడు వాళ్లిద్దరికీ మనో ధైర్యాన్ని ఇవ్వాలని ప్రార్థిస్తున్నా. వారికి నా ఆశీస్సులు ఎప్పుడూ ఉంటాయి."