'హనుమంతుని జన్మస్థలం కర్ణాటకలోని కిష్కిందే'

MP Tejasvi Surya On Kishkinda: భాజపా తలపెట్టిన భారత దర్శన్ యాత్రలో భాగంగా కర్ణాటకలోని అంజనాద్రి ఆలయాన్ని ఎంపీ తేజస్వీ సూర్య ఆదివారం సందర్శించారు. హనుమంతుని జన్మస్థలం అంజనాద్రిలోని కిష్కిందే అనడంలో సందేహం లేదని ఉద్ఘాటించారు.

MP Tejasvi Surya On Kishkinda: హనుమంతుని జన్మస్థలం గురించి భాజపా ఎంపీ తేజస్వీ సూర్య ఆసక్తికర వ్యాఖ్యలు చేశారు. హనుమంతుని జన్మస్థలం అంజనాద్రిలోని కిష్కిందే అనడంలో సందేహం లేదని ఉద్ఘాటించారు. కిష్కింద కర్ణాటకలోని కొప్పళ జిల్లా అంజనాద్రిలో ఉందని వివరించారు. భాజపా తలపెట్టిన భారత దర్శన్ యాత్రలో భాగంగా తేజస్వీ ఆదివారం అంజనాద్రి ఆలయాన్ని సందర్శించారు.

భారతదేశం అంతటా పర్యటిస్తున్న సందర్భంగా రామాయణ కాలంతో పోలిన వేలాది ప్రదేశాలను తాను చూశాని.. అందుకే దేన్నీ కాదనలేమని ఆయన తెలిపారు. అయితే వాల్మీకి ఉదాహరణలు.. కిష్కిందను, దాని చుట్టూ పక్క ఉన్న ప్రాంతాలను వివరించిన దానిని బట్టి కర్ణాటకలోని కిష్కిందకి చాలా పోలికలు ఉన్నాయన్నారు. హనుమంతుని జన్మస్థలం కర్ణాటకలోని అంజనాద్రే అని ఎంపీ తేజస్వీ సూర్య అన్నారు.

హనుమంతుడి జన్మస్థలం వివాదం: హనుమంతుడి జన్మస్థలం విషయంలో కర్ణాటక, ఆంధ్రప్రదేశ్ మధ్య ఎప్పటి నుంచో వివాదం నడుస్తోంది. రెండు హిందూ ట్రస్టుల మధ్య వివాదం ఉంది. ఒకటి ఆంధ్రప్రదేశ్‌లో.. మరొకటి కర్ణాటకలో హనుమంతుని జన్మస్థలంగా వేర్వేరు ప్రాంతాలను పేర్కొంటున్నాయి. ఇది ఆంధ్రప్రదేశ్‌లోని తిరుమల తిరుపతి దేవస్థానం, కర్ణాటకలోని శ్రీ హనుమాన్ జన్మభూమి తీర్థ క్షేత్ర ట్రస్ట్ మధ్య వివాదం. ఇరుపక్షాల మధ్య వాదోపవాదాలు జరిగినా గతేడాది ప్రతిష్టంభనతో ముగిసింది.

ఇదీ చదవండి :