ఏపీకి ప్రత్యేక హోదా కోసం పార్టీ ఎంపీలంతా రాజీనామా చేస్తే తాను చేస్తానని వైకాపా ఎంపీ రఘురామకృష్ణరాజు స్పష్టం చేశారు. రాజీనామా చేయాలని విప్ జారీచేస్తే అందరితో పాటు తాను చేస్తానన్నారు. రాజ్యసభ ఎంపీలు కూడా రాజీనామాలు చేయాలని డిమాండ్ చేశారు. వైకాపా ఎన్డీయేలోకి రావాలని భాజపా కోరినట్లు వచ్చిన వార్తలు అవాస్తవమని రఘురామ అన్నారు. వైకాపానే ఎన్డీయేలోకి వెళ్లేందుకు ప్రయత్నాలు చేస్తోందని ఆరోపించారు.
కేంద్రంలోకి రావాలని బతిమాలారని వైకాపా నేతలు అంటున్నారు. ప్రత్యేక హోదా కోసం వదులుకున్నామని చెబుతున్నారు. వైకాపాను ఎన్డీయేలో చేర్చుకోవాల్సిన అవసరం భాజపాకు లేదు.