కేటీఆర్​ అబద్ధాలు చెప్పుడు మానాలి : ఎంపీ అర్వింద్​

కేంద్ర నిధుల విషయంలో మంత్రి కేటీఆర్​ చేసిన ట్వీట్​పై ఎంపీ అర్వింద్​ ఘాటుగా కౌంటరిచ్చారు. కేవలం ఒక మంత్రిత్వ శాఖ నుంచి వచ్చిన నిధులను కేంద్రం మొత్తం విడుదల చేసిన వాటిగా చెప్పి... రాష్ట్ర ప్రజలను మభ్యపెడుతున్నారని మండిపడ్డారు.

కొవిడ్​ సందర్భంగా కేంద్రం ఇచ్చిన నిధులపై మంత్రి కేటీఆర్​ చేసిన ట్వీట్​పై దిల్లీలో ఎంపీ అర్వింద్​ ఘాటుగా స్పందించారు. తెలంగాణకు కేంద్రం రూ. 7000 కోట్ల నిధులు మంజూరు చేయగా... కేవలం రూ.290 కోట్లు ఇచ్చారనటం అవివేకమన్నారు. సీఎం కేసీఆర్​, మంత్రి కేటీఆర్​పై తీవ్ర విమర్శలు చేసిన ఎంపీ... తండ్రీకొడుకులు అబద్దాలు మానుకోవాలని హితవు పలికారు. కేవలం ఒక శాక నుంచి విడుదలైన నిధులను కూడా మొత్తం ఖర్చుపెట్టలేదని ఆరోపించారు. కేంద్రం విడుదల చేసిన నిధుల వివరాలు తెలిపిన అర్వింద్​... బాంబేలో జరుగుతున్న నార్కోటిక్​ దాడులకు హైదరాబాద్​లో కొందరు బయపడుతున్నారని పేర్కొన్నారు.

కేంద్ర నిధులపై మంత్రి కేటీఆర్​ ట్వీట్​

ఇదీ చూడండి: బకాయిలు విడుదల చేయాలని కేంద్రానికి కేటీఆర్​ లేఖ