ప్రభుత్వం ప్రకటించిన లాక్డౌన్ అమలుకోసం మరిన్ని నిబంధనలు రూపొందించింది. ద్విచక్రవాహనంపై ఒకరు, నాలుగు చక్రాల వాహనంపై ఇద్దరికి మించి ప్రయాణించరాదని స్పష్టం చేసింది. రాత్రి 7 గంటల నుంచి ఉదయం 6 గంటల వరకు అత్యవసర వైద్యచికిత్స కోసం మినహా ఎవరూ రహదార్లపైకి రాకూడదని తెలిపింది. సాయంత్రం ఆరున్నర తర్వాత ఆసుపత్రులు, మెడికల్ షాపులు తప్ప ఏవీ తెరవకూడని పేర్కొంది.
నివాసం ఉంటున్న ప్రాంతం నుంచి మూడు కిలోమీటర్ల పరిధిలోని దుకాణాల నుంచే ప్రజలు నిత్యావసరాలు కొనుగోలు చేయాలని సూచించింది. లాక్డౌన్ సమయంలో బీమా సేవలు అందించే వారికి అనుమతి ఉంటుందని తెలిపింది. కరోనా నియంత్రణ విధుల్లో ఉన్న వారికి ఈ నిబంధనల నుంచి మినహాయింపు ఉంటుంది. అవసరమైన ప్రాంతాల్లో తాత్కాలిక చెక్‌పోస్టులు ఏర్పాటు చేస్తున్నట్లు ప్రభుత్వం తెలిపింది.