RK Roja: సోషల్​ టీచర్​గా మారిన వైసీపీ ఎమ్మెల్యే ఆర్కే రోజా.

ఏపీలోని నగరి ఎమ్మెల్యే ఆర్కే రోజా టీచర్​ అవతారమెత్తారు. చేతిలో పుస్తకం పట్టుకుని పిల్లలకు పాఠాలు బోధించారు. వారితో సరదాగా కాసేపు ముచ్చటించారు. ఇదేదో సినిమా షూటింగ్​ కోసం కాదండోయ్. మరి ఎక్కడంటారా..!

ఆంధ్రప్రదేశ్​లోని నగరి ఎమ్మెల్యే ఆర్కే రోజా టీచర్​గా మారి విద్యార్థులకు పాఠాలు బోధించారు. మన బడి నాడు - నేడులో భాగంగా అభివృద్ధి చేసిన చిత్తూరు జిల్లా నిండ్ర ఉన్నత పాఠశాలను ఆమె సందర్శించారు.

విద్యార్థులతో కాసేపు ముచ్చటించారు. సోషల్ టీచర్​గా మారి.. విద్యార్థులకు పాఠాలు బోధించారు. నాడు - నేడు ద్వారా ముఖ్యమంత్రి జగన్ పాఠశాలల్లో సమూల మార్పులు తీసుకొచ్చినట్లు రోజా చెప్పారు.