రవీంద్రభారతిలో ఆచార్య జయశంకర్​కు మంత్రుల ఘన నివాళి

ఆచార్య జయశంకర్​ 86వ జయంతి సందర్భంగా హైదరాబాద్​ రవీంద్రభారతిలో ఆయన చిత్రపటానికి మంత్రులు శ్రీనివాసగౌడ్​, తలసాని శ్రీనివాస్​ యాదవ్​ ఘన నివాళి అర్పించారు. ఉద్యమ సమయంలో కేసీఆర్​కు సలహాలు, సూచనలు ఇస్తూ వెన్నంటే నిలిచారని గుర్తుచేసుకున్నారు.

తెలంగాణ సిద్ధాంతకర్తగా, ఉద్యమ స్ఫూర్తి ప్రదాతగా రాష్ట్ర ప్రజల గుండెల్లో ఆచార్య జయశంకర్‌ శాశ్వతంగా నిలిచారని రాష్ట్ర మంత్రులు శ్రీనివాసగౌడ్​, తలసాని శ్రీనివాస్​ యాదవ్​ అన్నారు. జయశంకర్ 86వ జయంతి సందర్భంగా హైదరాబాద్ రవీంద్రభారతిలో ఆయన చిత్రపటానికి ఘనంగా నివాళులర్పించారు.

ఉద్యమ సమయంలో కేసీఆర్​కు సలహాలు, సూచనలు ఇస్తూ వెన్నంటే నిలిచారని గుర్తుచేసుకున్నారు. ఆయన ఆశయాలకు అనుగుణంగా తెలంగాణను దేశంలోనే ఉత్తమ రాష్ట్రంగా కేసీఆర్​ నిలిపారని శ్రీనివాస్​గౌడ్​ పేర్కొన్నారు.

ఈ కార్యక్రమంలో రాష్ట్ర పర్యాటక, సాంస్కృతిక శాఖ కార్యదర్శి శ్రీనివాస రాజు, సాంస్కృతిక శాఖ సంచాలకులు మామిడి హరికృష్ణ, టీజీవో నాయకులు విష్ణువర్ధన్ రావు, నిరంజన్ రెడ్డి, రవీందర్​రావులు పాల్గొన్నారు.

ఇవీచూడండి:జయశంకర్​ ఆశయ సాధనకు పునరంకితం: సీఎం కేసీఆర్​