నిరంతరం ప్రజల్లో ఉండేది... అభివృద్ధి కోసం పాటుపడేది ఒక్క తెరాస పార్టీ మాత్రమేనని మంత్రి తలసాని శ్రీనివాస్ యాదవ్ తెలిపారు. కొంతమంది నీటిమీద బుడగలా వచ్చి పోతుంటారని... వారు శాశ్వతం కాదని పేర్కొన్నారు. ఈ నెల 12 నుంచి ప్రారంభం కానున్న తెరాస పార్టీ సభ్యత్వ నమోదు కార్యక్రమంలో హైదరాబాద్లోని సనత్నగర్ నియోజకవర్గాన్ని ప్రథమ స్థానంలో నిలపాలని మంత్రి సూచించారు. వెస్ట్మారేడ్పల్లిలోని తన నివాసం వద్ద నియోజకవర్గ స్థాయి సర్వసభ్య సమావేశం నిర్వహించారు. ఈ నెలాఖరు వరకు సభ్యత్వ నమోదు కార్యక్రమం కొనసాగుతుందని తెలిపారు. కార్పొరేటర్లు, మాజీ కార్పొరేటర్లు, డివిజన్ అధ్యక్షులు, నాయకులు సమన్వయంతో వ్యవహరించి సభ్యత్వ నమోదు కార్యక్రమాన్ని నిర్వహించాలన్నారు.
'అభివృద్ధి కోసం పాటుపడేది ఒక్క తెరాస పార్టీ మాత్రమే' - 'అభివృద్ధి కోసం పాటుపడేది ఒక్క తెరాస పార్టీ మాత్రమే'
హైదరాబాద్ వెస్ట్మారేడ్పల్లిలోని మంత్రి తలసాని శ్రీనివాస్ యాదవ్ నివాసంలో సనత్నగర్ నియోజకవర్గ స్థాయి సర్వసభ్య సమావేశం నిర్వహించారు. ఈ నెల 12 నుంచి ప్రారంభం కానున్న తెరాస పార్టీ సభ్యత్వ నమోదు కార్యక్రమంలో సనత్నగర్ నియోజకవర్గాన్ని ప్రథమ స్థానంలో నిలపాలని మంత్రి సూచించారు. ఈ నెల 17న ముఖ్యమంత్రి కేసీఆర్ జన్మదిన వేడుకలను ఘనంగా జరుపుకోవాలన్నారు.
minister talasani srinivas yadav on trs party membership program
పార్టీ శ్రేణులు రెట్టింపు ఉత్సాహంతో ముందుకు సాగాలని... ఓటమి చెందామని అధైర్య పడొద్దని ఉత్సాహం నింపారు. ఈ నెల 17న ముఖ్యమంత్రి కేసీఆర్ జన్మదిన వేడుకలను ఘనంగా జరుపుకోవాలన్నారు. ఆయా ప్రాంతాల్లో అన్నదానం, పండ్ల పంపిణీ వంటి సేవా కార్యక్రమాలు నిర్వహించాలన్నారు. కోటి వృక్షార్చనలో భాగంగా పెద్ద ఎత్తున మొక్కలు నాటాలని కోరారు.
ఈ సమావేశంలో సికింద్రాబాద్ పార్లమెంట్ నియోజకవర్గ తెరాస పార్టీ ఇంఛార్జ్ తలసాని సాయికిరణ్ యాదవ్, కార్పొరేటర్లు నామన శేషుకుమారి, అత్తిలి అరుణ గౌడ్, కొలను లక్ష్మి, ఆకుల రూప, ఉప్పల తరుణి, హేమలత, మహేశ్వరి, పార్టీ డివిజన్ల అధ్యక్షులు, ముఖ్యనాయకులు పాల్గొన్నారు.