ప్రతిపక్షాలకు అభివృద్ధి కనిపించడం లేదా?: తలసాని

గ్రేటర్‌ పోరులో తెరాస నేతలు దూకుడు ప్రదర్శిస్తున్నారు. డివిజన్లను చుట్టేస్తూ ప్రచారం నిర్వహిస్తున్నారు. బన్సీలాల్‌పేట తెరాస అభ్యర్థి హేమలతకు మద్దతుగా మంత్రి తలసాని శ్రీనివాస్‌యాదవ్‌ ప్రచారం నిర్వహించారు. హైదరాబాద్‌ను అభివృద్ధి చేసిన ఘనత తెరాసకే దక్కుతుందని తెలిపారు. జీహెచ్​ఎంసీ ఎన్నికల్లో తెరాస ఘనవిజయం సాధిస్తుందని తెలిపారు.

హైదరాబాద్​- సికింద్రాబాద్​ జంటనగరాలను అభివృద్ధి చేసిన ఘనత తెరాసకే దక్కుతుందని, ఇతర పార్టీలు హైదరాబాద్ అభివృద్ధిలో చేసిందేమీ లేదని మంత్రి తలసాని శ్రీనివాస్ యాదవ్ అన్నారు. బన్సీలాల్​పేట తెరాస అభ్యర్థి హేమలతతో కలిసి ఎన్నికల ప్రచారంలో పాల్గొన్నారు. ఇంటింటికి తిరుగుతూ అభివృద్ధి గురించి వివరించారు.

హైదరాబాద్​లో జరుగుతున్న అభివృద్ధి ప్రతిపక్షాల కళ్లకు కనిపించడం లేదా అని తలసాని ప్రశ్నించారు. భాగ్యనగరంలోనే అత్యధిక డబుల్ బెడ్​రూమ్ ఇళ్లను నిర్మించామన్నారు. లాక్​డౌన్, వరదల కారణంగా ఇళ్ల కేటాయింపుల్లో ఆలస్యం జరిగిందని అన్నారు. మున్సిపల్ ఎన్నికల్లో తెరాస అఖండ విజయం ఖాయమని ధీమా వ్యక్తం చేశారు.

ఇవీ చూడండి:ప్రపంచంలోనే సురక్షితమైన నగరం హైదరాబాద్‌: మంత్రి కేటీఆర్