భాజపాకు ఓటేస్తే జీహెచ్‌ఎంసీని డిస్ ఇన్వెస్ట్​మెంట్‌ చేస్తారు: కేటీఆర్‌

ఆరేళ్లలో హైదరాబాద్​కు భాజపా ఏం చేసిందో సూటిగా.. సుత్తిలేకుండా చెప్పాలని కేంద్ర మంత్రులను రాష్ట్ర పురపాలక మంత్రి కేటీఆర్ డిమాండ్ చేశారు. ఎక్కడికెళ్లినా.. ఆరేళ్లలో ఏం చేశామో చెప్పిన తర్వాతే ఓట్లు అడుగుతున్నామని తెలిపారు.

ఎవరి భవిష్యత్​ కోసం కేంద్ర ప్రభుత్వ రంగ సంస్థలను అమ్ముతున్నారని ఎన్డీఏ సర్కార్​ను రాష్ట్ర పురపాలక శాఖ మంత్రి కేటీఆర్ ప్రశ్నించారు. భాజపా విధానమే పెట్టుబడుల సంహరణ అని అన్నారు. ఆరేళ్లలో హైదరాబాద్​కు భాజపా ఏం చేసిందో చెప్పాలని డిమాండ్ చేశారు. భాజపాకు ఓటేస్తే జీహెచ్‌ఎంసీని డిస్ ఇన్వెస్ట్​మెంట్‌ చేస్తారని విమర్శించారు.‌

ఐటీఆర్​ను రద్దు చేసినందుకు యువత.. కరోనా కాలంలో నరకం చూసిన లక్షల మంది వలస కార్మికులు భాజపాపై ఛార్జిషీట్​ వేయాలని మంత్రి కేటీఆర్ అన్నారు. రూ.20 లక్షల కోట్ల ఉద్దీపన ప్యాకేజీతో ఎవరిని ఉద్ధరించారని ప్రశ్నించారు. ప్రధాని మోదీ జీరో అకౌంట్‌లో రూ.15 వేలు వేస్తామని చెప్పారని, ఎంతమంది ఖాతాల్లో నగదు వేశారో భాజపా నేతలు చెప్పాలని డిమాండ్ చేశారు.

• ఇదీ చూడండి'తెరాసకు ఓటేయండి... గ్రేటర్​ను మరింత ఉన్నతంగా తీర్చిదిద్దుతాం'