'మోదీ గారు దేశాన్ని ఎన్నిసార్లు ఫూల్ చేస్తారు..?'

KTR Comments on Modi: అవకాశం దొరికిన ప్రతీసారి అటు భాజపాపై, ఇటు ప్రధాని మోదీపై విమర్శలు చేసే మంత్రి కేటీఆర్​.. మరోసారి ట్విట్టర్​ వేదికగా వ్యంగ్యాస్త్రాలు సంధించారు. దేశంలోని అన్ని గ్రామాలకు విద్యుత్​ సౌకర్యం కల్పించినట్టు నాలుగేళ్ల క్రితమే ప్రకటించిన మోదీ.. నాలుగురోజుల క్రితం రాష్ట్రపతి అభ్యర్థి గ్రామానికి కరెంటు సదుపాయం కల్పించారని ఎద్దేవా చేశారు.

KTR Comments on Modi: ప్రధానమంత్రి నరేంద్రమోదీపై మంత్రి కేటీఆర్​ వ్యంగ్యాస్త్రాలు సంధించారు. దేశాన్ని ఎన్నిసార్లు ఫూల్ చేస్తారని రాష్ట్ర ట్విట్టర్​ వేదికగా కేటీఆర్ ప్రశ్నించారు. రాష్ట్రపతి అభ్యర్థి ద్రౌపది ముర్ము సొంత గ్రామానికి విద్యుత్ సదుపాయం కల్పించిన వార్తా కథనాన్ని జోడిస్తూ ట్విట్టర్​లో కేటీఆర్ వ్యాఖ్యలు చేశారు.

అబద్ధాలు, అబద్ధాలు, భాజపా మార్క్ అబద్ధాలు అంటూ కేటీఆర్​ ట్వీట్ చేశారు. దేశంలోని అన్ని గ్రామాలకు విద్యుత్ సదుపాయం కల్పించినట్లు 2018 ఏప్రిల్​లో ప్రధాని మోదీ ప్రకటించినట్లు కేటీఆర్ గుర్తు చేశారు. అయితే ఎన్పీఏ రాష్ట్రపతి అభ్యర్థి ద్రౌపది ముర్ము గ్రామానికి మాత్రం 2022 జూన్ 25న విద్యుత్ సదుపాయం కల్పించారని ఎద్దేవా చేశారు.

ఇవీ చూడండి: