నల్గొండ పర్యటన సందర్భంగా భూ సమస్యలు పరిష్కరించాలన్న సీఎం ఆదేశాలతో అధికారులు చర్యలు చేపట్టారు. సీఎస్ సోమేశ్కుమార్, ఉన్నతాధికారులతో సమావేశమైన మంత్రి జగదీశ్రెడ్డి... తిరుమలగిరి మండలంలోని 5 గ్రామాల్లోని భూ సమస్యలపై చర్చించారు. నెల్లికల్లు, చింతలపాలెం, తునికినూతల, జమ్మన్నకోట, ఎల్లాపురం గ్రామాల్లోని 3వేల 495 ఎకరాల భూమికి సంబంధించి ఎంజాయ్మెంట్ సర్వే వెంటనే చేపట్టాలని నల్గొండ కలెక్టర్ను ప్రభుత్వం ఆదేశించింది.
వారంరోజుల్లో భూ సమస్యలు పరిష్కరిస్తాం: జగదీశ్ రెడ్డి - nalgonda land disputes news
నల్గొండ జిల్లా తిరుమలగిరి మండలం పలు గ్రామాల్లోని భూ సమస్యలపై మంత్రి జగదీశ్రెడ్డి ఉన్నతాధికారులతో సమావేశమయ్యారు సుమారు 3 వేల 495 ఎకరాల భూమికి సంబంధించి ఎంజాయ్మెంట్ సర్వే చేపట్టాలని ఆ జిల్లా కలెక్టర్ను ఆదేశించారు.
![వారంరోజుల్లో భూ సమస్యలు పరిష్కరిస్తాం: జగదీశ్ రెడ్డి minister jagadish reddy review on nalgonda land disputes](https://etvbharatimages.akamaized.net/etvbharat/prod-images/768-512-10584820-554-10584820-1613043515824.jpg)
minister jagadish reddy review on nalgonda land disputes
సర్వే చేసి ముసాయిదా జాబితాను ప్రచురించి అభ్యంతరాలుంటే వెంటనే పరిష్కరించాలని అధికారులను ఆదేశించారు. అర్హులకు పట్టాదారు పాసుపుస్తకాలు జారీ చేయాలని... మొత్తం ప్రక్రియను వారంలోగా పూర్తి చేయాలని సూచించారు. ఈ భేటీలో రిజిస్ట్రేషన్ల శాఖ ఐజీ శేషాద్రి, ఆర్ధిక శాఖ ప్రత్యేక కార్యదర్శి రొనాల్డ్ రాస్, నల్గొండ కలెక్టర్ పాటిల్ ప్రశాంత్ జీవన్ పాల్గొన్నారు.