'అడిగిన దానికంటే... ఇంకోశాతం ఎక్కువే ఇచ్చాం'

గత ప్రభుత్వాలు పొరుగుసేవల ఉద్యోగులను వెట్టిచాకిరీ చేయించుకున్నాయని ఆర్థికమంత్రి హరీశ్​రావు తెలిపారు. హోంగార్డులు, అంగన్​వాడీ వర్కర్లు, హెల్పర్లు, కాంట్రాక్టు, పొరుగుసేవ ఉద్యోగుల వేతనాలను తెరాస ప్రభుత్వం పెంచిందని గుర్తుచేశారు. అసెంబ్లీలో పలువురు ఎమ్మెల్యేలు అడిగిన ప్రశ్నలకు మంత్రి సమాధానమిచ్చారు.

ఉద్యోగుల ఐఆర్, ఫిట్​మెంట్ అంశాన్ని సీఎం కేసీఆర్ పరిశీలిస్తున్నారని ఆర్థికశాఖ మంత్రి హరీశ్రావు తెలిపారు. గతంలో 42 శాతం ఫిట్​మెంట్ అడిగితే 43 శాతం ఇచ్చినట్లు గుర్తు చేశారు. కార్పొరేటు ఆస్పత్రుల్లో ఉచితంగా వైద్యం అందించేందుకు ప్రత్యేక హెల్త్ పాలసీ తీసుకువచ్చినట్లు వెల్లడించారు. సచివాలయంలోని దస్త్రాల తరలింపుపై ప్రభుత్వం జాగ్రత్తలు తీసుకుంటోందని అన్నారు. ఉద్యోగుల వ్యక్తిగత రిజిస్టర్​లో పొందుపరుస్తున్నట్లు పేర్కొన్నారు. దస్త్రాలు మారే అవకాశం లేదని మంత్రి వివరించారు.

ఇదీ చూడండి: 'పురపాలక' బిల్లుకు శాసనసభ ఆమోదం