తెలంగాణ అభివృద్ధి దిశగా ముందుకు వెళ్లాలంటే గ్రేటర్ ఎన్నికల్లో తెరాసను గెలిపించాలని మంత్రి గంగుల కమలాకర్ విజ్ఞప్తి చేశారు. గన్ఫౌండ్రి తెరాస అభ్యర్థి మమతా సంతోష్ గుప్తా, హిమాయత్నగర్ తెరాస అభ్యర్థి హేమలత యాదవ్లు నామినేషన్ వేసే ముందు బషీర్బాగ్లోని కనకదుర్గ అమ్మవారి ఆలయంలో పూజలు నిర్వహించారు. ఇందులో మంత్రి గంగుల కమలాకర్, ఖైరతాబాద్ ఎమ్మెల్యే దానం నాగేందర్ పాల్గొన్నారు.
'రాష్ట్రం అభివృద్ధి చెందాలంటే తెరాసను గెలిపించాలి'
జీహెచ్ఎంసీ ఎన్నికల నామినేషన్ ఆఖరు రోజున ఊపందుకున్నాయి. గన్ఫౌండ్రి తెరాస అభ్యర్థి మమతా సంతోష్ గుప్తా, హిమాయత్నగర్ తెరాస అభ్యర్థి హేమలత యాదవ్లు.. మంత్రి గంగుల సమక్షంలో అబిడ్స్లోని జీహెచ్ఎంసీ కార్యాలయంలో నామినేషన్ దాఖలు చేశారు.
'రాష్ట్రం అభివృద్ధి చెందాలంటే తెరాసను గెలిపించాలి'
ప్రత్యేక రాష్ట్రం ఏర్పడిన తర్వాత హైదరాబాద్లో శాంతి వాతావరణం నెలకొనడంతో పాటు అన్ని రంగాల్లోనూ అభివృద్ధి చేసిన ఘనత సీఎం కేసీఆర్కే దక్కుతుందని మంత్రి గంగుల అన్నారు. అధికార పార్టీకి ఓటు వేస్తేనే అభివృద్ధి జరుగుతుందని.. దీనిని ప్రజలందరూ దృష్టిలో పెట్టుకోవాలన్నారు. వరదల వల్ల నష్టపోయిన ప్రజలను ముఖ్యమంత్రి కేసీఆర్ ఆదుకుంటే.. భాజపా నాయకులు అడ్డుకున్నారని ఆరోపించారు. జీహెచ్ఎంసీ ఎన్నికల్లో ప్రజలు వారికి తగిన గుణపాఠం చెప్పాలన్నారు.
ఇదీ చూడండి:తెరాస గ్రేటర్ అభ్యర్థుల తుది జాబితా విడుదల