MIM Corporator Arrest: హైదరాబాద్ బోలక్‌పూర్‌లో పోలీసులతో కొందరు వ్యక్తులు దురుసుగా ప్రవర్తించిన ఘటనపై తగిన చర్యలు తీసుకోవాలని మంత్రి కేటీఆర్.. డీజీపీకి చేసిన ట్వీట్పై పోలీసులు స్పందించారు. కార్పొరేటర్ గౌసుద్దీన్ను అరెస్ట్ చేశారు. వైద్య పరీక్షలు కోసం గాంధీ హాస్పిటల్కు తరలించారు. అనంతరం కోర్టులో హాజరుపరచనున్నారు.
రెండు రోజుల క్రితం అర్ధరాత్రి పూట... బోలక్‌పూర్‌లో తెరిచి ఉంచిన దుకాణాలు మూసేయాలని దుకాణదారులకు పోలీసులు చెప్పారు. రంజాన్ సందర్భంగా తెరుచుకున్నామంటూ దుకాణాదారులు పోలీసులతో వాగ్వాదానికి దిగారు. ఈ క్రమంలో అక్కడికి వచ్చిన కార్పొరేటర్ గౌసుద్దీన్.. పోలీసులపై దుర్భాషలాడారు. వాళ్లపైకి దూసుకెళ్లి దౌర్జన్యం చేశారు. దుకాణాలు మూసేదిలేదని వారితో వాగ్వాదానికి దిగాకు. ఈ వీడియోలు సామాజిక మాధ్యమాల్లో వైరల్ అయ్యాయి.