సిటీ ఆఫ్ డెస్టినీలో మిలాన్ 2022 ఉత్సవం
Milan 2022: ఏపీ విశాఖ మరో భారీ నౌకా ఉత్సవానికి సిద్ధమవుతోంది. ఈనెల 25 నుంచి మార్చి 4 వరకు విశాఖ వేదికగా మిలాన్ ఉత్సవం నిర్వహించనున్నారు. మూడేళ్ల క్రితమే ఈ మినీ ఐఎఫ్ఆర్ జరగాల్సి ఉన్నా... కొవిడ్ దృష్ట్యా వాయిదాపడుతూ వస్తోంది. 1995లో నాలుగు దేశాలతో ప్రారంభమైన మిలాన్ కార్యక్రమంలో ఈ ఏడాది 45కి పైగా దేశాల యుద్ధ నౌకలు పాల్గొననున్నాయి. వివిధ దేశాల నౌకలకు ఆతిథ్యమిచ్చేందుకు పరేడ్, ఇతర విన్యాసాల కోసం విస్తృత ఏర్పాట్లు చేశారు. దాదాపు 50కి పైగా యుద్ద నౌకలు ఈ కార్యక్రమంలో పాలుపంచుకోనున్నాయి.
మిలాన్ ఉత్సవం నిర్వహణ కోసం విస్తృత ఏర్పాట్లు చేస్తున్నారు. బీచ్‌రోడ్‌ను సుందరంగా తీర్చిదిద్దుతున్నారు. రాష్ట్ర ప్రభుత్వ యంత్రాంగం సహాయ సహకారాలు అందిస్తోంది. ఈనెల 26న ఉత్సవం ఆరంభ వేడుక నిర్వహించనున్నారు. 27న అంతర్జాతీయ సిటీ పరేడ్ ఉంటుంది.