chiranjeevi: 'జన జాగృతి పార్టీ'తో మళ్లీ రాజకీయాల్లోకి చిరంజీవి..!?

07:30 February 08

chiranjeevi: 'జన జాగృతి పార్టీ'తో మళ్లీ రాజకీయాల్లోకి చిరంజీవి..!?

మెగాస్టార్ చిరంజీవి వరుస చిత్రాలతో ఫుల్ బిజీగా ఉన్నారు. ఇటీవల కరోనా నుంచి కోలుకున్న మెగాస్టార్.. 'గాడ్ ఫాదర్' షూటింగ్​లో పాల్గొంటున్నారు. మలయాళీ బ్లాక్​బస్టర్ చిత్రం లూసిఫర్​కు రీమేక్​గా ఈ చిత్రం తెరకెక్కుతోంది. తమిళ దర్శకుడు మోహన్​రాజా ఈ చిత్రాన్ని తెరకెక్కిస్తున్నారు.

ఇదిలా ఉండగా.. ప్రస్తుతం చిరంజీవికి సంబంధించిన ఓ వార్త ఇప్పుడు సోషల్​ మీడియాలో తెగ వైరల్​ అవుతోంది. చిరు 'జన జాగృతి పార్టీ'లో చేరుతున్నట్లు వార్తలు చక్కర్లు కొడుతున్నాయి. దీంతో మెగాస్టార్​ మళ్లీ రాజకీయాల్లోకి వస్తున్నారా అంటూ చర్చ మొదలైంది. అయితే ఇందులో నిజం లేదు. గాడ్ ఫాదర్ చిత్రంలో కథపరంగా చిరంజీవి ఓ రాజకీయ పార్టీకి సపోర్ట్​ చేస్తారు. ఆ పార్టీ పేరే 'జన జాగృతి పార్టీ'. ఇదీ అసలు సంగతి.

గాడ్​ఫాదర్ తర్వాత చిరు మెహర్ రమేష్ దర్శకత్వంలో భోళా శంకర్ చిత్రంలో నటించనున్నారు. ఈ చిత్రంలో చిరుకు జోడిగా తమన్నా నటిస్తోంది.