Flood problems: ఏపీలోని కోనసీమ జిల్లా మామిడికుదురు మండలం పెదపట్నం లంకలో.. ఓ వధువు ఇంట పెళ్లికి వరదతో ఇబ్బందులు ఎదురయ్యాయి. పెళ్లి ముహూర్తం ఆగస్టు నెలలో పెట్టుకుంటే వరద కష్టాలు తప్పవని భావించి.. జులైలో ముహూర్తం పెట్టుకున్నారు. అయినా ముందుగానే వచ్చిన వరదలతో పెళ్లింట ఇబ్బందులు తప్పలేదు.
పెదపట్నం లంక గ్రామానికి చెందిన ప్రశాంతికి మలికిపురం మండలం తూర్పు పాలానికి చెందిన అశోక్‌కుమార్‌తో వివాహం నిశ్చయించారు. పెదపట్నం లంక గ్రామాన్ని వరద నీరు పూర్తిగా చుట్టుముట్టడంతో.. గ్రామం వెలుపల ఉన్న రహదారి వరకు వచ్చే పరిస్థితి లేదు. దీంతో వధువు ప్రశాంతితో పాటు బంధువులు పడవల్లో ప్రయాణించి ఏటిగట్టు వరకు చేరుకున్నారు. అనంతరం రోడ్డు మార్గంలో తూర్పుపాలెంలోని వరుడి ఇంటికి చేరుకున్నారు.
ఇవీ చదవండి:
