కరోనా దెబ్బకు.. ఇళ్లు, అపార్ట్​మెంట్లు ఖాళీ

కరోనా విజృంభణతో... అద్దె ఇళ్లలో ఉండేవారు చాలా మంది సొంతూళ్లకు వెళ్లిపోతున్నారు. దీంతో నగరంలో ఇల్లు పెద్ద ఎత్తున ఖాళీ అవుతున్నాయి. ఏ గల్లీలో చూసిన టూలెట్ బోర్డులే దర్శనమిస్తున్నాయి.

హైదరాబాద్​లో కరోనా మహమ్మారి రోజురోజుకు విజృంభిస్తోంది. రాష్ట్రవ్యాప్తంగా వచ్చే కేసుల్లో దాదాపు 80శాతానికి పైగా నగరంలోనే నమోదవుతున్నాయి. దీంతో రాష్ట్ర ప్రభుత్వం మరోమారు హైదరాబాద్, రంగారెడ్డి, మేడ్చల్ జిల్లాల్లో లాక్​డౌన్​ విధించే యోచనలో ఉంది. ఇతర జిల్లాలు, ప్రాంతాల నుంచి వలస వచ్చినవారు... హైదరాబాద్​లో ఉండాలంటే భయాందోళనలకు గురవుతున్నారు.

హైదరాబాద్​లో బతకలేని పరిస్థితిలో... ఉన్న ఇంటిని ఖాళీ చేసి సొంతూళ్లకు వెళ్తున్నారు. దీంతో నగరంలో అద్దె ఇళ్లు, అపార్ట్​మెంట్లు పెద్ద ఎత్తున ఖాళీ అవుతున్నాయి. తార్నాక, లాలాపేట, నాచారం, మల్లాపూర్​ ప్రాంతాల్లో... ఇల్లు అద్దెకు ఇవ్వబడును అనే​ బోర్డులు దర్శనిమిస్తున్నాయి. వ్యాపారాలు సరిగా నడవక... దుకాణాదారులు కిరాయి భరించలేక ఖాళీ చేసి వెళ్లిపోతున్నారు.

ఇదీ చూడండి:ఏమైందీ.. ఎమ్మెల్యేకు..? ఒకవైపు ప్రమాదం.. మరోవైపు పొగ