మాల్స్​ ముందు బారులు తీరిన నగరవాసులు

ప్రభుత్వం ఈ నెల 31వరకు లాక్​డౌన్​ ప్రకటించిన నేపథ్యంలో నగర వాసులు రిటైల్ మార్కెట్ ఎదుట బారులు తీరారు. షాపింగ్ మాల్స్ నిర్వాహకులు సైతం ముందు జాగ్రత్తలు తీసుకుంటున్నారు.

తెలంగాణలో లాక్​డౌన్​తో నిత్యావసర వస్తువులు కొనుగోలు చేసేందుకు నగర వాసులు ఉదయం 9 గంటల నుంచే మాల్స్ బాట పట్టారు. సర్కారు ఆదేశానుసారం నగరంలోని రిటైల్​ మార్కెట్ నిర్వాహకులు కస్టమర్స్​ కోసం ప్రత్యేక ఏర్పాట్లు చేశారు. వినియోగదారులకు శరీర ఉష్ణోగ్రత పరీక్షించడం, శానిటైజర్​తో చేతులు శుభ్రం చేసుకోవాలని చెప్పడం కనిపించింది. ఒకసారి అయిదుగుర్ని మాత్రమే లోపలికి పంపుతున్నారు.

షాపింగ్ మాల్స్ ఎదుట వరుసలో నిల్చున్న కొనుగోలుదారులు... ఒకరి మధ్య ఒకరికి సామాజిక దూరం ఉండేలా జాగ్రత్తలు తీసుకుంటున్నారు.

ఇదీ చూడిండి:ప్రభుత్వం ప్రకటించిన లాక్​డౌన్​ మార్గదర్శకాలివే...