KTR Tour in America: మన ఊరు- మన బడికి ఎన్నారైలు మద్దతివ్వాలి: కేటీఆర్

KTR Tour in America: రాష్ట్రానికి భారీ పెట్టుబడులే లక్ష్యంగా అమెరికాలో మంత్రి కేటీఆర్ పర్యటిస్తున్నారు. ఈ మేరకు లాస్​ ఏంజిల్స్​కు చేరుకున్న కేటీఆర్​కు.. అక్కడి తెరాస అభిమానులు, ప్రవాసీయుల నుంచి ఘన స్వాగతం లభించింది. తెలంగాణ అభివృద్ధి, కార్యక్రమాలపై కేటీఆర్​ వారితో చర్చించారు.

KTR Tour in America: తెలంగాణకు భారీ పెట్టుబడులే లక్ష్యంగా పదిరోజుల అమెరికా పర్యటనకు వెళ్లిన ఐటీ, పరిశ్రమల శాఖ మంత్రి కేటీఆర్​కు లాస్‌ఏంజిల్స్‌లో ఘనస్వాగతం లభించింది. అక్కడి తెరాస అభిమానులు, తెలుగురాష్ట్రాలకు చెందిన ప్రవాసీయులు మంత్రికి సాదరస్వాగతం పలికారు. విమానాశ్రయంలో ఆయనకు పుష్పగుచ్ఛాలు అందించారు.

మంత్రి కేటీఆర్​కు ఘన స్వాగతం

తెలంగాణ అభివృద్ధి, కార్యక్రమాలపై ఎన్‌ఆర్‌ఐలతో కేటీఆర్‌ సమగ్రంగా చర్చించారు. మన ఊరు-మన బడి కార్యక్రమ ప్రాధాన్యత, ప్రభుత్వ పాఠశాలలను ఏవిధంగా అభివృద్ధి చేస్తున్నామో ఎన్‌ఆర్‌ఐలకు వివరించారు. ప్రభుత్వ సంకల్పానికి మద్దతు పలకాలని కోరారు. ఈ కార్యక్రమాల్లో పెద్ద ఎత్తున పాల్గొనాలని విజ్ఞప్తి చేశారు. తెలంగాణ ప్రభుత్వం తరఫున రాయబారులుగా వ్యవహరించాలని సూచించారు.

ఇదీ చదవండి:TET File in CM office: సీఎం కార్యాలయానికి టెట్‌ దస్త్రం