'కాకతీయ మెగా జౌళి పార్కు, ఫార్మా సిటీ అభివృద్ధికి సహకరించండి'

దిల్లీ పర్యటనలో ఉన్న మంత్రి కేటీఆర్ ఇవాళ కేంద్ర​ జౌళి శాఖ మంత్రి స్మృతి ఇరానీ, పర్యావరణ, అటవీ శాఖ మంత్రి ప్రకాశ్​ జావడేకర్​తో భేటీ అయ్యారు. కాకతీయ మెగా జౌళి పార్కు, ఫార్మా సిటీ అభివృద్ధికి ఆర్థిక సాయం చేయాలని కోరారు.

దిల్లీ పర్యటనలో ఉన్న రాష్ట్ర పరిశ్రమలు, ఐటీ,పురపాలక శాఖ మంత్రి కేటీఆర్ ఇవాళ కేంద్రమంత్రులు స్మృతి ఇరానీ, ప్రకాశ్ జావడేకర్​తో భేటీ అయ్యారు. వరంగల్​లో నిర్మిస్తున్న కాకతీయ మెగా జౌళిపార్క్​కు ఆర్థిక సాయం చేయాలంటూ ఆ శాఖ మంత్రి స్మృతి ఇరానీకి వినతిపత్రం అందించారు. జౌళి పార్కును ప్రపంచ వస్త్ర ఎగుమతులు, దిగుమతులకు కేంద్రంగా మార్చేందుకు ప్రయత్నిస్తున్నామని కేంద్రమంత్రికి తెలిపారు. సీపీసీఎస్​డీ పథకం కింద సిరిసిల్లలోని మెగా పవర్​లూమ్​ క్లస్టర్​కు నిధులు మంజూరు చేయాలని విజ్ఞప్తి చేశారు.

హైదరాబాద్​లోని ఫార్మా సిటీ అభివృద్ధికి సహకరించాలని కేంద్ర పర్యావరణ, అటవీ శాఖ మంత్రి ప్రకాశ్ జావడేకర్​​ను కోరారు. ఫార్మా సిటీ సంబంధించిన అనుమతులపై త్వరగా నిర్ణయం తీసుకోవాలని విన్నవించారు.

ఇవీచూడండి: సవాళ్లను అధిగమించి సుపరిపాలన అందిస్తున్నాం: కేటీఆర్​