KTR Tweet Today : 'వెల్​డన్​ మోదీ జీ.. ఇవేనా 'అచ్చే దిన్' అంటే​'

KTR Tweet Today: కేంద్ర ప్రభుత్వంపై రాష్ట్ర మంత్రి కేటీఆర్ మరోసారి​ విమర్శనాస్త్రాలు సంధించారు. మంచిరోజులు వస్తాయంటూ ఎనిమిదేళ్ల క్రితం ప్రధాని నరేంద్ర మోదీ చేసిన ట్వీట్​పై కేటీఆర్ వ్యంగ్య వ్యాఖ్యలు చేశారు. 45 ఏళ్ల గరిష్ఠానికి నిరుద్యోగం చేరుకుందని మండిపడ్డారు.

KTR Tweet Today : కేంద్రప్రభుత్వం, ప్రధాని మోదీ పనితీరుపై ఐటీశాఖ మంత్రి కేటీఆర్​ మరోసారి విరుచుకుపడ్డారు. మంచిరోజులు వస్తాయంటూ ఎనిమిదేళ్ల క్రితం ప్రధాని నరేంద్ర మోదీ చేసిన ట్వీట్​పై తెరాస కార్యనిర్వాహక అధ్యక్షుడు కేటీఆర్ వ్యంగ్య వ్యాఖ్యలు చేశారు. ప్రధాని 2014 మే 16న చేసిన ట్వీట్​ను జతపరుస్తూ మంత్రి కేటీఆర్ ట్విటర్ ద్వారా విమర్శనాస్త్రాలు సంధించారు.

ఎనిమిదేళ్ల క్రితం సరిగ్గా ఇదే రోజు మంచిరోజులు వస్తాయంటూ హామి ఇచ్చారని కేటీఆర్ గుర్తు చేశారు. కానీ ఎనిమిదేళ్లలో తమ ప్రభుత్వం చేసిందేమిటో చూడండన్న కేటీఆర్.. రూపాయి మారక విలువ 77 రూపాయల 80 పైసల కనిష్ఠానికి పడిపోయిందన్నారు. నిరుద్యోగ రేటు 45 ఏళ్ల గరిష్ఠ స్థాయికి, ద్రవ్యోల్బణం 30 ఏళ్ల అత్యధిక స్థాయికి పెరిగిందని కేటీఆర్ ట్విటర్​లో పేర్కొన్నారు. గ్యాస్ ధర ప్రపంచంలోనే అత్యధిక రేటుకు చేరిందని విమర్శించారు. 42 ఏళ్లల్లో అత్యంత దారుణమైన ఆర్థికవ్యవస్థ ఏర్పడిందని విమర్శించిన కేటీఆర్.. వెల్ డన్ సర్ అంటూ వ్యంగ్యాస్త్రం సంధించారు.

ఇదీ చదవండి:'మనకు పోటీ బెంగళూరుతో కాదు సింగపూర్‌తో..'