అగ్ని ప్రమాదంపై తక్షణమే నివేదిక పంపండి: కృష్ణా బోర్డు

శ్రీశైలం విద్యుత్ కేంద్రంలో జరిగిన ప్రమాదంపై కృష్ణా నది యాజమాన్య బోర్డు స్పందించింది. ఘటనపై తీవ్ర దిగ్భ్రాంతి వ్యక్తం చేసింది. ప్రమాదంపై తక్షణమే నివేదిక పంపాలని జెన్​కో సంచాలకులకు లేఖ రాసింది.

శ్రీశైలం ఎడమగట్టు విద్యుత్ కేంద్రంలో జరిగిన అగ్నిప్రమాదంపై నివేదిక ఇవ్వాలని కృష్ణానదీ యాజమాన్య బోర్డు కోరింది. జరిగిన ప్రమాదంపై తీవ్ర దిగ్భ్రాంతి వ్యక్తం చేసిన బోర్డు... తొమ్మిది మంది ఉద్యోగులు ప్రాణాలు కోల్పోవడం బాధాకరమని తెలిపింది.

కేంద్ర జలశక్తి మంత్రిత్వశాఖ ఈ అంశాన్ని పరిశీలించాల్సి ఉందని, అందుకోసం తక్షణమే నివేదిక పంపాలని బోర్డు కోరింది. ఈ మేరకు బోర్డు సభ్యుడు మౌంతాంగ్.. జెన్​కో సంచాలకులకు లేఖ రాశారు.

ఇవీ చూడండి:'శ్రీశైలం మృతుల కుటుంబాలకు అండగా ఉంటాం'