King Cobra: స్నానానికి బాత్ రూంలోకి వెళ్లగానే..సీన్ చూసి షాక్!
దట్టమైన అడవుల్లో కనిపించే అత్యంత విషపూరితమైన గిరినాగు పాము (King Cobra) ఏపీ విశాఖ జిల్లా దేవరాపల్లి మండలం మారేపల్లిలోని ఓ ఇంట్లో కనిపించింది. ఎక్కడ నుంచి వచ్చిందో తెలియదు గానీ.. ఏకంగా ఇంట్లోకి దూరింది. బాత్రూంలోకి ప్రవేశించిన ఆ భారీ పాముని చూసి ఇంట్లో ఉన్నవారు ఒక్కసారిగా భయపడి పరుగులు పెట్టారు. ఊరు మొత్తం అక్కడికి చేరుకున్నా.. ఏమీ చేయలేకపోయారు.
ఈ సంగతి తెలుసుకున్న అటవీశాఖ అధికారులు రంగంలోకి దిగారు. వారు విశాఖ వన్యప్రాణుల సంరక్షణ ప్రతినిధులకు సమాచారం అందించారు. వారు కూడా అంత సులువుగా ఆ పామును పట్టుకోలేకపోయారు. దాదాపు రెండు గంటలు పాటు శ్రమించి ఎంతో చాకచక్యంగా.. గిరినాగు పామును పట్టుకున్నారు.