కేసీఆర్​ గారూ.. "పౌర"బిల్లుకు అనుకూలమా..? వ్యతిరేకమా..?

ఎన్నికల ముందు అనేక హామీలు ఇచ్చిన కేసీఆర్​.. అధికారంలోకి వచ్చాక వాటిని విస్మరించారని కాంగ్రెస్​ సీనియర్​ నేత వీహెచ్​ అన్నారు. సీఎం పౌరసత్వ బిల్లును అమలు చేస్తున్నారా..? లేదా..? సూటిగా చెప్పాలని డిమాండ్​ చేశారు. అకారణంగా తమపై కేసులు బనాయిస్తే ఏమాత్రం భయపడమని హెచ్చరించారు.

సీఎం కేసీఆర్‌ ముస్లిం, ఎస్సీలను మోసం చేస్తున్నారని కాంగ్రెస్ సీనియర్ నేత వి. హనుమంతరావు ఆరోపించారు. కేసీఆర్‌ పౌరసత్వ బిల్లును అమలు చేయనని ఎందుకు చెప్పరని ప్రశ్నించారు. హైదరాబాద్​లో అంబేడ్కర్​ విగ్రహం పెడతానని హామీ ఇచ్చిన ముఖ్యమంత్రి ఎందుకు పెట్టలేదన్నారు. విగ్రహాన్ని ఏర్పాటు చేసేందుకు తాను తీసుకువస్తే రెండు నెలలుగా దానిని పోలీసు స్టేషన్‌లో పెట్టి తనపైనే కేసు పెట్టారని ధ్వజ మెత్తారు.

అకారణంగా కేసులు బనాయిస్తే భయపడం:వీహెచ్
అకారణంగా కేసులు బనాయిస్తే ఏమాత్రం భయపడనని వీహెచ్​ అన్నారు. భాజపాతో పొత్తు ఉన్న బిహార్ సీఎం నితీష్‌కుమార్ పౌరసత్వ బిల్లును అమలు చేయనని ప్రకటన చేశారని.. కేసీఆర్​ చెప్పకపోవడం వెనుక ఆంతర్యం చెప్పాలని డిమాండ్​ చేశారు.