ముగిసిన ఇండియా జాయ్​.. ఆద్యంతం వినోదం

నాలుగు రోజులుగా అలరించిన ఇండియా జాయ్​ కార్యక్రమం ఘనంగా ముగిసింది. తెలంగాణ ప్రభుత్వ సహకారంతో  హైదరాబాద్​ వేదికగా  గేమింగ్,  గ్రాఫిక్స్, ఓటీటీ, టిక్ టాక్, డిజిటల్ ఎంటర్​టైన్​మెంట్​ రంగాల్లో సందర్శకులను ఆకట్టుకొంది. భారత్​ నుంచే కాకుండా ఇతర దేశాల నుంచి సుమారు 30 వేల మందికి పైగా ఔత్సాహికులు హాజరయ్యారు.

హైదరాబాద్ వేదికగా సాగిన గేమింగ్, మీడియా, ఎంటర్​టైన్​మెంట్​ కార్యక్రమం 'ఇండియా జాయ్' సందర్శకులను విశేషంగా ఆకట్టుకొంది. నాలుగు రోజుల పాటు సాగిన ఈ కార్యక్రమంలో 30 వేలకు పైగా ఔత్సాహికులు, దేశ విదేశాల నుంచి సుమారు 50 వేల మంది యువత సదస్సుకు హాజరయ్యారు. హెచ్​ఐసీసీ వేదికగా డిజిటల్ మీడియాకు సంబంధించిన పలువురు ప్రముఖులతో నిర్వహించిన వర్క్‌షాప్‌లో యువత ఉత్సాహంగా పాల్గొన్నారు.

బాహుబలి గ్రాఫిక్స్​పై..

వివిధ దేశాల ప్రతినిధుల నుంచి ఓటీటీ ప్లాట్ ఫాం, దాని ఉపయోగాలు, గ్రాఫిక్స్‌కు సంబందించిన టూల్స్​ గురించి అడిగి తెలుసుకున్నారు. వీఎఫ్​ఎక్స్​, ఓటీటీ సంబంధించిన ప్రదర్శనలు ఆకట్టుకున్నాయి. బాహుబలి, కాలా, రోబో-2 వంటి చిత్రాల్లో ఉపయోగించిన వీఎఫ్​ఎక్స్​ సాంకేతికపై విద్యార్థులు ఆసక్తిగా తెలుసుకున్నారు.

యూట్యూబ్​ వేదిక..

యూట్యూబ్ వేదికగా రాణించాలనే వారికోసం ఏర్పాటు చేసిన ఇన్​ప్ల్యూయన్సర్​ కాన్​ క్లేవ్​ యువత మనసు దోచింది. యూట్యూబ్​లో సత్తా చాటుతున్న పలువురు.. తమ అనుభవాలను పంచుకున్నారు. గురు, శుక్రవారాల్లో జరిగిన గేమింగ్ విభాగం సందర్శకులను విశేషంగా ఆకట్టుకుంది.

మొత్తంగా నాలుగు రోజులు పాటు జరిగిన ఇండియా జాయ్​కు విశేష స్పందన వచ్చింది. సదస్సుకు హాజరైన యువత సంతృప్తి వ్యక్తం చేశారు. కంపెనీలు తన స్టాళ్ల ద్వారా నూతన సాంకేతికను పరిచయం చేశాయి.

ఇవీచూడండి: గేమింగ్​కు అడ్డా భాగ్యనగరం@ ఇండియా జాయ్​