అన్ని జిల్లాల్లో స్వాతంత్య్ర దినోత్సవ నిర్వహణకు సర్కారు నిర్ణయం - independence day celebrations telangana

అన్ని జిల్లాల్లో స్వతంత్ర దినోత్సవ నిర్వహణకు సర్కారు నిర్ణయం

Published : Aug 12, 2020, 6:26 AM IST

Updated : Aug 12, 2020, 9:43 AM IST

06:19 August 12

అన్ని జిల్లాల్లో స్వాతంత్య్ర దినోత్సవ నిర్వహణకు సర్కారు నిర్ణయం

కొవిడ్ నేపథ్యంలో ఆగస్టు 15 వేడుకలపై నీలినీడలు అలుముకున్న తరుణంలో సర్కారు స్పష్టతనిచ్చింది. స్వాతంత్య్ర దినోత్సవాన్ని అధికారికంగా నిర్వహించేందుకు నిర్ణయం తీసుకుంది. ఈ మేరకు ఉత్తర్వులు జారీ చేసింది. రాజధానితో పాటు అన్ని జిల్లాల్లో వేడుకల నిర్వహించాలని ఆదేశించింది. జాతీయ పతాకాన్ని ఆవిష్కరించే ప్రముఖుల పేర్లను కూడా సర్కారు ఖరారు చేసింది.

రాష్ట్ర రాజధాని హైదరాబాద్లో ముఖ్యమంత్రి కేసీఆర్ ఉదయం 10.30గం.లకు జాతీయ జెండాను ఆవిష్కరించనున్నారు. మిగిలిన 32 జిల్లా కేంద్రాల్లోని కలెక్టర్ కార్యాలయాల వద్ద మంత్రులు, కేబినెట్ ర్యాంక్ ఉన్న ఇతర ప్రజాప్రతినిధులు జెండా ఎగరువేస్తారు. స్థానిక ప్రజాప్రతినిధులు వారివారి కార్యాలయాల వద్ద ఉదయం 9.30 గంటలకు జాతీయజెండాను ఎగరవేయాలని సూచించింది. అనంతరం ఎమ్మెల్యేలు, మేయర్లు, జెడ్పీ ఛైర్ పర్సన్లు, మున్సిపల్ ఛైర్ పర్సన్లు, జిల్లా స్థాయి అధికారులు కలెక్టరేట్ వద్ద జరిగే కార్యక్రమంలో పాల్గొనాలని ప్రభుత్వం తెలిపింది. కొవిడ్‌ నిబంధనలకు లోబడి కార్యక్రమం నిర్వహించాలని ప్రభుత్వం స్పష్టం చేసింది.