రోడ్డు ప్రమాదంలో నవ దంపతులు దుర్మరణం

వారు మూడుముళ్ల బంధంతో ఒక్కటయ్యారు. రాబోయే రోజుల్ని తలచుకుంటూ మురిసిపోయారు. కానీ.. కాళ్ల పారాణి ఆరకముందే రోడ్డు ప్రమాదం వారిని కబళించింది. నూతన దంపతులతో పాటు వధువు సోదరుడు దుర్మరణం పాలయ్యాడు.

ఆంధ్రప్రదేశ్​లోని పశ్చిమగోదావరి జిల్లా భీమడోలు మండలం పూళ్ల వద్ద జాతీయ రహదారిపై ఘోర రోడ్డు ప్రమాదం జరిగింది. టైరు పేలటం వల్ల కారు అదుపు తప్పి డివైడర్​ను దాటి అవతలి వైపు నుంచి వస్తున్న లారీని ఢీ కొట్టింది.

ప్రమాదంలో కారులో ఉన్న నవదంపతులతోపాటు వధువు సోదరుడు మృతి చెందారు. వీరు తెనాలి నుంచి విశాఖపట్నం వెళ్తుండగా ఈ ప్రమాదం జరిగింది. ఏలూరు పోలీసులు సంఘటనా స్థలాన్ని పరిశీలించారు. అనంతరం కేసు నమోదు చేసుకుని దర్యాప్తు చేస్తున్నారు. ఈ ప్రమాదంతో రహదారిపై వాహనాల రాకపోకలకు తీవ్ర అంతరాయం ఏర్పడింది.

ఇదీ చదవండి :హాజరు కాలేని విషాద పరిస్థితులు.. బరువెక్కిన హృదయాలు