బీ అలర్ట్... రాష్ట్రంలో ఇవాళ, రేపు భారీ వర్షాలు కురిసే అవకాశం

Telangana Weather Report: రాష్ట్రంలో ఇవాళ, రేపు కొన్ని జిల్లాల్లో అక్కడక్కడ భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం ప్రకటించింది. రానున్న మూడ్రోజులు గంటకు 30 నుంచి 40కిలోమీటర్ల వేగంతో ఈదురు గాలులు వీస్తాయని పేర్కొంది. ఉరుములు, మెరుపులతో కూడిన తేలికపాటి నుంచి మోస్తరు వర్షాలు పడతాయని వెల్లడించింది.

Telangana Weather Report:తెలంగాణలోకి వరణుడు ఎంట్రీ ఇచ్చాడు. ఇక నుంచి వర్షాలు దంచికొట్టే అవకాశముందని వాతావరణ శాఖ అధికారులు చెబుతున్నారు. ఇప్పటి వరకు భానుడి భగభగకు.. ఉక్కపోతతో అల్లాడిన ప్రజలు చిరుజల్లులు కురవడంతో ఊపిరి పీల్చుకున్నారు. సోమవారం సాయంత్రం కురిసిన వర్షంతో తొలకరి తెచ్చిన ఆహ్లాదాన్ని హాయిగా అనుభవిస్తూ ప్రజలు కుటుంబంతో సంతోషంగా గడిపారు.

అదేవిధంగా రాష్ట్రంలో నేడు, రేపు కొన్ని జిల్లాల్లో అక్కడక్కడ ఉరుములు, మెరుపులతో కూడిన భారీ వర్షాలు కురుస్తాయని హైదరాబాద్ వాతావరణ కేంద్రం వెల్లడించింది. రానున్న మూడ్రోజులు గంటకు 30 నుంచి 40కిలోమీటర్ల వేగంతో ఈదురు గాలులు వీస్తాయని పేర్కొంది. ఉరుములు, మెరుపులతో కూడిన తేలికపాటి నుంచి మోస్తరు వర్షాలు పడతాయని వెల్లడించింది. నైరుతి రుతుపవనాలు 2 నుంచి 3 రోజుల్లో రాష్ట్రంలోని కొన్ని ప్రాంతాల్లో మరింత ముందుకు వెళతాయని తెలిపింది.

ఇవీ చదవండి:Telangana Rains : దంచికొట్టిన వాన.. తడిసిముద్దయిన తెలంగాణ