ఆదివారం సాయంత్ర వేళ భాగ్యనగరవాసులు ట్యాంక్‌బండ్‌పై కుటుంబ సభ్యులతో కలిసి ఉల్లాసంగా, ఉత్సాహంగా గడిపారు. ప్రతి ఆదివారం హెచ్ఎండీఏ ఆధ్వర్యంలో నగరవాసులకు సండే - ఫండే కార్యక్రమం నిర్వహిస్తోంది.
ఇందులో భాగంగా ట్యాంక్ బండ్ పరిసర ప్రాంతాలు ప్రజలతో సందడిగా మారాయి. ఒక వైపు హుస్సేన్సాగర్ అందాలు.. మరోవైపు హైదరాబాద్ రుచులను ఆస్వాధిస్తూ ఆనందంగా గడిపారు. చిన్నా పెద్దా అందరూ కలిసి తమకు ఇష్టమైన, రుచికరమైన వంటకాలను ఆరగించారు. ట్యాంక్ బండ్‌పై ఆట వస్తువులతో పిల్లలు.. ఫోటోలు తీసుకుంటూ పెద్దలూ మురిసిపోయారు. ప్రతి ఆదివారం పిల్లలతో గడిపే విధంగా ఉల్లాస భరితమైన కార్యక్రమాలను ఏర్పాట్లు చేస్తున్నారని భద్రతా పరంగా అన్ని జాగ్రత్తలు తీసుకుంటున్నట్లు సందర్శకులు ఆనందం వ్యక్తం చేస్తున్నారు.
సెల్ఫీలు తీసుకుంటున్న యువతులు బిజీబిజీ లైఫ్తో క్షణం తీరికలేకుండా గడుపుతున్న నగరవాసులకు వారాంతాల్లో కాస్త సేద తీరేందుకు ఓ అవకాశం కల్పించాలన్న ఉద్దేశంతో హెచ్ఎండీఏ ఆధ్వర్యంలో ప్రతి ఆదివారం ట్యాంక్బండ్ వద్ద సన్ డే ఫన్ డే(Sunday Funday at Tank Bund) కార్యక్రమాన్ని నిర్వహిస్తున్నారు. ఈ కార్యక్రమానికి పిల్లలు, పెద్దలు, అందరు కుటుంబ సమేతంగా వచ్చి తమ రెగ్యులర్ లైఫ్ నుంచి కాస్త ఉపశమనం పొందుతున్నారు. విద్యుద్దీపాల అలంకరణలో మెరిసిపోతున్న ట్యాంక్ బండ్ను చూస్తూ మైమరిచిపోతున్నారు. నిత్యం వాహనాలతో రద్దీగా ఉండే ట్యాంక్బండ్ను.. రంగులదీపాల కాంతుల్లో చూస్తూ పరవశించిపోతున్నారు.
పెయింటింగ్స్ గీయించుకుంటున్న నగరవాసులు ఇదీచూడండి:మెగాస్టార్ చిరు-త్రివిక్రమ్ కాంబో మరోసారి తెరపైకి!
