హైదరాబాద్ సిటీ సెక్యురిటీ కౌన్సిల్ దక్షిణ మండల ఓరియెంటేషన్ కార్యక్రమం చాంద్రాయణగుట్ట పోలీస్ స్టేషన్ పరిధిలోని ఫంక్షన్ హాల్లో జరిగింది. ఈ కార్యక్రమాన్ని హైదరాబాద్ సిటీ సెక్యురిటీ కౌన్సిల్, సిటీ పోలీస్ సంయుక్తంగా నిర్వహించింది. ముఖ్య అతిథిగా హైదరాబాద్ నగర పోలీస్ కమిషనర్ అంజనీ కుమార్ హాజరయ్యారు.
సంస్థ పని తీరు, ఆవశక్యత, ఉద్దేశం, 6 నెలల నుంచి సమాజ శ్రేయస్సు కోసం చేసిన పనులను ఈ సమావేశంలో వివరించారు. సమావేశానికి హాజరైన పలువురు వ్యాపారులు తమ వంతుగా చెక్కుల రూపంలో సంస్థకు ఆర్థిక సహాయాన్ని అందించారు. కరోనా రోగులకు ప్లాస్మా దానం చేసిన పోలీస్ సిబ్బందిని అభినందించి వారికి ధ్రువ పత్రాలు అందజేశారు.