నిందితులను అరెస్ట్ చేసిన 90రోజుల్లోపు అభియోగపత్రాలు సమర్పించాలన్న నిబంధన మేరకు ఈ నెల 10లోపు నాంపల్లి కోర్టులో వీరిపై ఛార్జీషీటును దాఖలు చేయనున్నారు. యాన్‌హువో, ధీరజ్‌ సర్కార్‌, అంకిత్‌కపూర్‌లను ప్రధాన నిందితులుగా పేర్కొననున్నారు. డోకిపే, లింక్‌యున్‌ కంపెనీల ద్వారా కేమెన్‌ ద్వీపంలోని రెండు, మూడు బ్యాంకు ఖాతాల్లో రూ.110 కోట్ల నల్లధనాన్ని డిపాజిట్‌ చేసిన ఆధారాలను సమర్పించనున్నారు.
డొల్ల కంపెనీల నుంచి నగదు
చైనా సంస్థలకు ఛార్టెడ్‌ అకౌంటెంట్గా వ్యవహారించిన దిల్లీ వాసి హేమంత్‌కు సైబర్ క్రైమ్ పోలీసులు తాఖీదులు పంపించారు. డోకీపే, లింక్‌యున్‌ కంపెనీలతో పాటు మరో 30 కంపెనీలు నిర్వహించిన అక్రమ లావాదేవీలపై సమాధానాలివ్వాల్సిందిగా తాఖీదుల్లో కోరారు. చైనా సంస్థల నుంచి ఆయన బ్యాంక్ ఖాతాల్లో రూ.6కోట్లు జమైనట్టు గుర్తించారు.