మావోయిస్టు(Maoist) సానుభూతిపరుల ఆధ్వర్యంలో ఏవోబీలో ఆవిర్భావ దినోత్సవం(Maoist avirbhava dinotsavam) నిర్వహించారు. గిరిజనుల అసలైన హక్కుల కోసం పోరాటాలు జరుపుతున్న మావోయిస్టులపై కేంద్ర, రాష్ట్ర ప్రభుత్వాలు అణచివేతకు పాల్పడుతున్నాయని పేర్కొన్నారు. పోలీసులు.. కూంబింగ్‌ పేరిట ఆదివాసి మహిళలను వేధిస్తున్నారని.. మావోయిస్టుల జాడ చెప్పమని గ్రామాల్లో యువకులపై దాడి చేస్తున్నారని పేర్కొన్నారు. మారుమూల గ్రామాల్లో కనీస మౌళిక వసతులు కల్పించకుండా ఇంకా ఎన్నేళ్లు ఇలా మోసం చేస్తారని ప్రశ్నిస్తున్నారు.
ఈ ఆవిర్భావ దినోత్సవంలో భారీ సంఖ్యలో గిరిజనులు పాల్గొన్నారు. మొదట మావోయిస్టుల స్థూపం వద్ద అమరులైన వారికి నివాళులు అర్పించారు. అనంతరం మావోయిస్టుల జెండాను ఎగురవేశారు. తెలుగు, ఒడియా భాషాలతో రాసిన బ్యానర్లు పట్టుకొని ర్యాలీ తీశారు. జల్‌, జంగల్‌, జమీన్‌లపై గిరిజనులు గళమెత్తారు. జననాట్యమండలి ఆధ్వర్యంలో మావోయిస్టులు పాటలు పాడారు.
మావోయిస్టు ఆవిర్భావ వారోత్సవాల(Maoist avirbhava week-celebrations) సందర్భంగా.. ఏవోబీలో బీఎస్‌ఎఫ్‌(BSF CAMP AT AOB) పోలీసులు ప్రత్యేక క్యాంపులు ఏర్పాటు చేశారు. ఈ నేపథ్యంలో మావోయిస్టుల మిలీషియా కమాండర్ల ఆధ్వర్యంలో భారీ ర్యాలీ ఏర్పాటు చేయడం ప్రాముఖ్యత సంతరించుకుంది. ఒక వైపు ఆంధ్ర- ఒడిశా రాష్ట్రాల్లో కూంబింగ్‌, పోలీసులు ముమ్మర తనిఖీలు చేస్తున్నప్పటికీ మావోయిస్టులకు గిరిజనులు మద్దతు పలకడం విశేషం.