'నిర్లక్ష్యమే వైద్యురాలి ప్రాణం తీసింది'

పశు వైద్యురాలి హత్య కేసులో పోలీసులు సకాలంలో స్పందించలేదని ఐఎంఏ సభ్యులు ఆరోపించారు. హైదరాబాద్ అబిడ్స్​లో ఇండియన్ మెడికల్ అసోసియేషన్ తెలంగాణ రాష్ట్ర కమిటీ ఏర్పాటు చేసిన సమావేశంలో ఐఎంఎ జాతీయ అధ్యక్షుడు, రాజ్యసభ సభ్యుడు డా.శంతను సేన్ పాల్గొన్నారు.

శంషాబాద్​లో పశు వైద్యురాలి దారుణ హత్యను ఇండియన్ మెడికల్ అసోసియేషన్ తీవ్రంగా ఖండించింది. పోలీసులు సకాలంలో స్పందించి ఉంటే యువతి బతికి ఉండేదని.. ఐఎంఎ జాతీయ అధ్యక్షుడు, రాజ్యసభ సభ్యుడు డా.శంతను సేన్ అన్నారు. హైదరాబాద్ అబిడ్స్​లో ఇండియన్ మెడికల్ అసోసియేషన్ తెలంగాణ రాష్ట్ర కమిటీ ఏర్పాటు చేసిన సమావేశంలో ఎంపీ పాల్గొన్నారు. వెటర్నరీ డాక్టర్ మరణం దేశప్రజాలందరిని కన్నీరు పెట్టించిందని ఆవేదన వ్యక్తం చేశారు.

అడుగడుగునా నిర్లక్ష్యమే...

జాతీయ రహదారి టోల్ ప్లాజా వద్ద ఈ ఘటన జరిగితే.. అక్కడి భద్రతా సిబ్బంది స్పందించకపోవడం దారుణమని శంతను సేన్ అన్నారు. ఆ సమయంలో సహాయం కోసం నిస్సహాయస్థితిలో ఎదురుచూసిందని.. కానీ తెల్లవారే వరకు ఒక్క పోలీస్ పెట్రోలింగ్ వాహనం రాకపోవడం ముమ్మాటికి అధికారుల నిర్లక్ష్యమేనని ఆరోపించారు.