ఆనందయ్య చుక్కల మందు పంపిణీపై ఏపీ హైకోర్టులో నేడు విచారణ

ఆనందయ్య మందు పంపిణీపై నేడు ఏపీ హైకోర్టులో విచారణ జరగనుంది. మందు పంపిణీ చేయాలని కోరుతూ నాలుగు వ్యాజ్యాలు దాఖలయ్యాయి.

ఏపీ కృష్ణపట్నం ఆనందయ్య మందు పంపిణీపై ఆ రాష్ట్ర హైకోర్టు ఇవాళ విచారణ చేయనుంది. ఔషధ పంపిణీకి గత విచారణలోనే అనుమతించిన న్యాయస్థానం.. చుక్కల మందు పంపిణీపై నేడు విచారణ చేయనుంది.

కంట్లో వేసే చుక్కల మందు తప్ప ఆనందయ్య ఇస్తున్న మందులకు ఏపీ ప్రభుత్వం గ్రీన్‌సిగ్నల్‌ ఇచ్చిన విషయం తెలిసిందే. కంట్లో వేసే డ్రాప్స్‌ విషయంలో పూర్తి నివేదికలు రావాల్సి ఉందని.. నివేదికలు రావడానికి మరో 2-3 వారాల సమయం పడుతుంది కాబట్టి అనుమతి ఇవ్వలేకపోతున్నట్లు పేర్కొంది.

'కె' అనే మందును కూడా కమిటీ ముందు చూపించలేదు కాబట్టి దీనికి అనుమతి నిరాకరిస్తున్నట్లు ప్రభుత్వం తెలిపింది. ఆనందయ్య ఇచ్చే పి, ఎల్, ఎఫ్‌.. మందులకు గ్రీన్‌ సిగ్నల్‌ ఇచ్చింది. ఆనందయ్య మందు వాడితే కొవిడ్‌ తగ్గుతుంది అనడానికి నిర్ధారణలు లేవని తేల్చిన దృష్ట్యా మందు వాడినంత మాత్రాన మిగిలిన మందులు ఆపొద్దని గతంలోనే స్పష్టం చేసింది.

ఇదీ చదవండి:పౌల్ట్రీ, డెయిరీ పరిశ్రమలకు శుభవార్త