నేడు, రేపు రాష్ట్రంలో ఓ మోస్తరు వర్షాలు...!

రాష్ట్రంలో రుతుపవనాల కదలికలు సాధారణంగా ఉన్నాయని వాతావరణ శాఖ అధికారి రాజారావు తెలిపారు. రాష్ట్రంలో నేడు, రేపు అక్కడక్కడా ఓ మోస్తరు వర్షాలు కురిసే అవకాశాలున్నాయని ఆయన తెలిపారు.

ఛత్తీస్‌గఢ్‌ ఉత్తర ప్రాంతంలో అల్పపీడనం కొనసాగుతోందని, దీనికి అనుబంధంగా 5.8 కిలోమీటర్ల ఎత్తు వరకూ ఉపరితల ఆవర్తనం ఉందని వాతావరణ అధికారి రాజారావు తెలిపారు. రాష్ట్రంలో రుతుపవనాల కదలికలు సాధారణంగా ఉన్నాయన్నారు. నేడు, రేపు రాష్ట్రంలో అక్కడక్కడ ఓ మోస్తరు వర్షాలు కురిసే అవకాశాలున్నాయని ఆయన తెలిపారు. మంగళవారం పగలు కొన్నిచోట్ల వర్షాలు కురిశాయి. అత్యధికంగా పెద్దకొడప్‌గల్‌(కామారెడ్డి జిల్లా)లో 8.1, ఎంగడపల్లి(జగిత్యాల)లో 6.8, నస్పూర్‌(మంచిర్యాల)లో 5.7 సెంటీమీటర్ల వర్షం కురిసింది. ఉష్ణోగ్రతలు సాధారణంకన్నా 4 డిగ్రీల వరకూ తక్కువగా నమోదయ్యాయి.

ఇదీ చూడండి: భయం భయం: భాగ్యనగరంలో డెత్​ స్పాట్​లుగా మ్యాన్ హోళ్లు