ఎల్​ఆర్​ఎస్​కు ఊహించని స్పందన.. భారీగా దరఖాస్తులు

రాష్ట్ర ప్రభుత్వం ప్రవేశపెట్టిన ఎల్ఆర్​ఎస్​ స్కీమ్​కు ప్రజల నుంచి భారీ స్పందన వస్తున్నది. తమ ఇళ్లు, స్థలాలను రిజిస్ట్రేషన్​ చేయించడానికి ప్రజలు ఆసక్తి చూపుతున్నారు. నగరపాలక, పురపాలక, పంచాయితీల్లో ఎల్​ఆర్​ఎస్​ నమోదు చేస్తున్నారు.

రాష్ట్రంలో ఎల్​ఆర్​ఎస్​కు పెద్ద ఎత్తున దరఖాస్తులు వస్తున్నాయి. ఊహించిన దాని కంటే ఎక్కువ దరఖాస్తులు వస్తుండటం వల్ల అధికారులు ఎల్​ఆర్​ఎస్​ నమోదులో తలమునకలయ్యారు. ఇప్పటి వరకు మొత్తం 12.20 లక్షల ఎల్​ఆర్​ఎస్​ దరఖాస్తులు వచ్చినట్టు అధికారులు తెలిపారు.

అన్ని స్థాయిల్లో ఎల్​ఆర్​ఎస్​ నమోదు చేస్తుండటం వల్ల స్పందన భారీగానే ఉంది. గ్రామ పంచాయితీల నుంచి ఇప్పటి వరకు 4.94 లక్షల దరఖాస్తులు, పురపాలక సంఘాల నుంచి 4.91 లక్షల దరఖాస్తులు, నగర పాలక సంస్థల నుంచి 2.34 లక్షల దరఖాస్తులు వచ్చాయి. మరిన్ని దరఖాస్తులు వచ్చే అవకాశం ఉంది.

ఇవీ చూడండి:కాళేశ్వరం విస్తరణ పనులపై ఎన్‌జీటీలో విచారణ